2 Samuel 17:8 - Papiamentu Bible 2013

⁸ Hushai a sigui: ‘Manera bo sa, bo tata i su kompañeronan ta sòldánan balente. Awor akí nan ta furioso manera un oso mama salbahe ta keda ora nan kita e yunan for di dje. Ademas bo tata ta muchu sòldá pa e pasa nochi huntu ku su trupanan.

Beibel na Papiamentu Koriente 2013

⁸ Hushai a sigui: ‘Manera bo sa, bo tata i su kompañeronan ta sòldánan balente. Awor akí nan ta furioso manera un oso mama salbahe ta keda ora nan kita e yunan for di dje. Ademas bo tata ta muchu sòldá pa e pasa nochi huntu ku su trupanan.

2 Samuel 17:8 Referans Kwoze

Hoséas 13:8

Mi ta ataká nan manera un oso muhé, ku a kita su yunan for di dje, Mi ta sker nan pechu habri, devorá nan manera un leon muhé; bestia feros ta destrosá nan.

1 Samuel 16:18

E ora ei un di su sirbidónan a bis'é: ‘Mi konosé un yu di Ishai di Betlehèm ku ta toka arpa mashá bon. E tin hopi kurashi i e por bringa bon; e sa kon papia, e tin bon tipo i SEÑOR ta kuné.’

Daniel 7:5

E di dos bestia tabata parse un oso; el a lanta un banda di su kurpa i e tabatin tres repchi den su boka tené, meimei di su djentenan. El a haña òrdu pa lanta i kome hopi karni.

Proverbionan 17:12

Mihó pone bo mes na peliger serka un oso ku nan a hòrta su yunan, ku serka un bobo ku a pèrdè su sintí.

Proverbionan 28:15

Un mal hende ku ta goberná un pueblo pober ta meskos ku un leon ku ta gruña òf un oso ku ta ranka sali pa ataká.

2 Reinan 2:24

Eliseo a drei wak nan i maldishoná nan den nòmber di SEÑOR. E ora ei a sali dos mama oso for di mondi ku a habraká 42 di e muchanan.

2 Samuel 23:18

Abishai, ruman di Yoab i yu di Seruya, tabata hefe di e tres balentenan akí. Un bia el a ataká 300 hòmber ku su lansa i derotá nan. Asina el a haña mes tantu fama ku e Trio famoso.

2 Samuel 23:16

E ora ei e tres balentenan akí a penetrá pasa dor di e filanan filisteo i saka awa for di e pos ku tin serka di porta di Betlehèm. Nan a hiba e awa pa David, pero David no ker a beb'é; el a bash'é komo ofrenda na SEÑOR.

2 Samuel 15:18

Tur su òfisirnan a pasa su dilanti, tambe tur e keretitanan i peletitanan di su guardia personal. Tur e 600 gatitanan, ku a kompañ'é for di Gat, tambe a pasa su dilanti.

1 Samuel 23:23

Purba di sa tur e kamindanan ku e sa tene su mes skondí, kaba bini bèk serka mi ku e informashon eksakto. E ora ei mi ta bai huntu ku boso. Si e ta den pais lo mi hañ'é, maske mi tin ku busk'é den tur e famianan ku por tin ta biba na Huda.’

1 Samuel 17:50

Asina David a vense e filisteo ku un slengu i e piedra. Sin spada den su man el a dal e filisteo mata.

Huesnan 18:25

E danitanan a bis'é: ‘Keda ketu, pa nos no bira di malu i mata abo i bo hendenan.’

2 Samuel 17:9

Sigur e ta tene su mes skondí den un kueba, òf kualke otro kaminda awor akí. Fo'i ora ku kai víktima den nos hendenan, ken ku ta por tende i bai bisa: “E trupanan ku ta sigui Absalon a sufri un derota formal.”

Ezekiel 19:2

‘Esta un bunita leon muhé boso mama tabata entre e otro leonnan! Meimei di su yunan el a kai drumi, kria su yu 'i leonnan.