2 Samuel 14:14 - Papiamentu Bible 2013

¹⁴ Muri nos tur mester muri, nos ta manera awa ku ta plama abou i ku no por rekohé mas. Dios no ta hasi eksepshon pa ningun hende. Pero wèl E ta buska di tur manera pa esun ku ta desterá no keda alehá for di djE.

Beibel na Papiamentu Koriente 2013

¹⁴ Muri nos tur mester muri, nos ta manera awa ku ta plama abou i ku no por rekohé mas. Dios no ta hasi eksepshon pa ningun hende. Pero wèl E ta buska di tur manera pa esun ku ta desterá no keda alehá for di djE.

2 Samuel 14:14 Referans Kwoze

Job 30:23

Mi tin sigur ku ta Bo ta mi morto i ta hiba mi na e lugá, kaminda tur hende lo reuní, hende ku awe ainda ta bibu.

Hebreonan 9:27

Hende mester muri un bia i despues huisio ta bini.

Numbernan 35:28

E n' mester a keda tòg den e siudat di asilo te ora gransaserdote muri? Ta te despues di morto di gransaserdote e mag bai kas bèk.

Job 34:15

n' ta tur ta muri sin eksepshon i bolbe bira stòf atrobe?

Numbernan 35:25

Komunidat mester protegé e kulpabel kontra vengansa di e famia mas yegá ku mester venga morto di e defuntu. Mester lag'é bai e siudat di asilo, kaminda el a hui bai, bèk. Ei e mester keda biba te dia gransaserdote, ordená ku zeta sagrado, muri.

Numbernan 35:15

E seis siudatnan ei mester ta lugá di asilo tantu pa e israelitanan komo pa e strañeronan, sea ku nan ta biba temporalmente òf permanentemente serka boso. Tur hende ku sin por yuda mata un otro hende, por hui bai aya.

Predikador 9:5

Hende bibu sa sikiera ku nan ta muri, pero e mortonan no sa nada mas. Nan no tin nada mas di spera, asta nan nòmber hende ta lubidá.

Salmo 22:14

Mi bida a kore bai manera awa, tur mi wesunan a kita fo'i lugá, dirtí paden di mi mondongo.

Job 14:14

Si hende por bolbe biba despues di morto ami ta dispuesto pa warda, maske kon mizerabel mi bida ta.

Romanonan 2:11

Pasobra Dios no ta hasi distinshon di persona.

Mateo 22:16

Nan a manda nan disipelnan huntu ku algun hende di Heródes serka Hesus. Nan a bis'É: ‘Maestro, nos sa ku bo ta un hende honesto; segun bèrdat bo ta siña hende kon Dios ke pa nan biba. Bo no ta wòri bo kabes ku loke hende ta pensa, pasobra Bo no ta husga segun aparensia.

Salmo 90:10

Setenta aña nos bida por dura, ochenta pa esnan ku tin forsa i mayor parti ta molèster i doló; tempu ta bula, lihé nos ta bai.

Salmo 90:3

Bo ta hasi hende bolbe na tera bisando: ‘Bolbe bira stòf, yunan di hende.’

Salmo 79:3

Manera awa nan a basha nan sanger tur kaminda rònt di Herusalèm; no tabatin ningun pa dera morto.

Salmo 58:7

Laga nan dirti kore bai manera awa, marchitá manera yerba trapá;

Job 34:19

Tur hende ta obra di su man, p'esei E no ta tuma parti pa lidernan di pueblo, ni no ta faboresé riku riba pober.

2 Samuel 11:25

E ora ei David a bisa e mensahero: ‘Bisa Yoab pa e no preokupá muchu pa e asuntu akí, den guera mester kai víktima, si no t'esun t'e otro. Ataká e siudat ku mas forsa ainda i destruyé. Kurashá Yoab asin'ei.’

Deuteronomio 10:17

Pasobra SEÑOR, boso Dios, ta e Dios Supremo, e SEÑOR mas altu, grandioso, fuerte i temibel. E Dios ku no sa tuma parti pa hende, ni sa tuma sèn bou di mesa;

Levítiko 26:40

Pero esnan ku sobrebibí ei, lo kaba na rekonosé ku nan i nan antepasadonan a peka, ku nan a bira infiel na Mi i a lanta kontra Mi.

1 Pedro 1:17

Boso ta yama Dios boso Tata; E ta Esun ku ta husga tur hende di akuerdo ku loke nan hasi, sin tuma parti pa niun. P'esei sòru biba ku temor p'E, tanten boso ta riba e mundu akí komo strañero!

Echonan 10:34

Pedro a tuma palabra i bisa: ‘Enberdat! Awor mi ta komprondé ku Dios no ta hasi distinshon di persona,

Éksodo 21:13

Si e no a mata intenshonalmente, pero ta un desgrasia ku Dios a laga sosodé, e por hui bai un siudat, ku SEÑOR indiká.

2 Samuel 14:15

Wèl, e motibu pakiko mi a bin papia e palabranan akí ku shon rei ta: ku e hendenan a duna mi miedu. P'esei mi shon su sirbidó a pensa: “Mi ke papia ku rei, podisé e ta aseptá e petishon di su sirbidó,

1 Reinan 11:39

Pa e motibu akí lo Mi tin ku humiliá e desendientenan di David, pero no pa semper.” ’

Salmo 22:15

Mi shel'i boka ta seku seku manera wea di klei garná; mi lenga ta pegá den mi boka, Bo a pone mi sosegá den stòf di morto.

Salmo 77:8

Akaso su bondat a bai pa keda? Su promesa no ta sali nunka mas?

Lamentashonnan 3:31

Ounke Señor manda sufrimentu pa nos, tòg E ta bolbe tene piedat di nos, dje abundante ei su amor i bondat ta. E no ta rechasá nos pa semper.

Ezekiel 18:23

Bo ta kere ku Ami, SEÑOR Dios, ta kontentu ora un hende malbado muri? Al kontrario, Mi ta prefer'é kombertí i keda na bida.