2 Reinan 9:14 - Papiamentu Bible 2013

¹⁴ Despues Yehu, yu di Yoshafat, i ñetu di Nimshi, a traha un kòmplòt kontra Yoram. Tabata asina ku rei Yoram i henter Israel a defendé Ramot-Guilead kontra Hazael, rei di Aram.

Beibel na Papiamentu Koriente 2013

¹⁴ Despues Yehu, yu di Yoshafat, i ñetu di Nimshi, a traha un kòmplòt kontra Yoram. Tabata asina ku rei Yoram i henter Israel a defendé Ramot-Guilead kontra Hazael, rei di Aram.

2 Reinan 9:14 Referans Kwoze

2 Reinan 8:28

Ahazías a sera ku Yoram, yu di Ahab, pa bai bringa na Ramot-Guilead kontra Hazael, rei di Aram. Ma e arameonan a heridá Yoram.

1 Reinan 22:3

Na e okashon ei rei di Israel a bisa su funshonarionan: ‘Boso sa tòg ku Ramot di Guilead ta pertenesé na nos. Di kon antó nos no ta hasi nada pa nos haña e siudat ei bèk for di rei di Aram?’

2 Reinan 15:30

Despues Hosea, yu di Ela, a traha un kòmplòt kontra Pèkag, yu di Remaliahu, i mat'é. Hosea a siguié komo rei den e di binti aña di reinado di Yotam, yu di Uzías.

2 Reinan 10:9

Su manisé mainta Yehu a sali bai para pafó di porta di siudat i bisa henter e pueblo: ‘Boso ta inosente. Boso sa ku mi a sera un kòmplòt kontra rei i a mat'é. Pero ta ken a mata tur esakinan?

2 Reinan 9:31

Ora Yehu a yega na porta di siudat, Izebel a grita: ‘Kon ta bai, Zimri, burdugu di bo shon.’

1 Reinan 16:16

Ora e sòldánan den e kampamentu a tende ku Zimri a traha un kòmplòt i ku el a mata rei, unánimemente nan a proklamá Omri, komandante di ehérsito, aya mes rei di Israel.

1 Reinan 16:9

Su sirbidó Zimri, un di su ofisialnan ku tabata komandante riba mitar di e garoshinan di guera, a traha un kòmplòt kontra dje. Un dia rei Ela a bebe burachi na kas di Arsa, mayordomo di palasio,

1 Reinan 16:7

E mensahe ku SEÑOR a duna profeta Yehu, yu di Hanani, tabata pa Basha i pa su famia tambe. Di un banda pa motibu di tur e kosnan malu ku el a hasi den bista di SEÑOR — e tabata provoká SEÑOR ku su mal echonan te ku el a bira meskos ku famia di Yerobeam —, di otro banda pasobra el a mata Yerobeam ku henter su famia.

1 Reinan 15:27

Pero Basha, yu hòmber di Ahías di tribu di Isakar, a traha un kòmplòt kontra Nadab. El a dal e mata na Guibton, un siudat ku tabata pertenesé na e filisteonan. Esaki a sosodé ora Nadab i henter ehérsito di Israel tabata sitia Guibton.

2 Reinan 9:2

Ora bo yega aya, bai buska Yehu, yu di Yoshafat, i ñetu di Nimshi. Bai serka dje, separ'é di e otro ofisialnan i hib'é den un kamber apartá.

2 Reinan 8:29

Rei Yoram a bai Yizreel bèk pa e kura di e heridanan ku e arameonan a kous'é na Ramot den e bataya kontra Hazael, rei di Aram. Durante su enfermedat na Yizreel, el a haña bishita di Ahazías, yu di Yoram, rei di Huda.

2 Reinan 12:21

Tabata su sirbidónan Yozakar, yu di Shimat, i Yozabad, yu di Shomer, ku a dal e mata. Nan a der'é huntu ku su antepasadonan den Siudat di David. Amasías, yu di Yoash, a siguié komo rei.