2 Reinan 9:11 - Papiamentu Bible 2013

¹¹ Ora Yehu a bai bèk serka e ofisialnan di rei, un di nan a puntr'é: ‘Tur kos ta bon? Pakiko e loko ei tabatin mester di bo?’ El a kontestá nan: ‘Ai, boso konos'é e hòmber ei i su manera di papia.’

Beibel na Papiamentu Koriente 2013

¹¹ Ora Yehu a bai bèk serka e ofisialnan di rei, un di nan a puntr'é: ‘Tur kos ta bon? Pakiko e loko ei tabatin mester di bo?’ El a kontestá nan: ‘Ai, boso konos'é e hòmber ei i su manera di papia.’

2 Reinan 9:11 Referans Kwoze

Yeremías 29:26

‘SEÑOR a nombra abo, Sofonías, komo saserdote na lugá di Yoyada, komo inspektor mayó den tèmpel. Si drenta kualke hende loko i kuminsá hasi manera ta profeta e ta, ta bo obligashon di hink'é den blòki ku kadena na su garganta.

Echonan 26:24

Ora Pablo a defendé su kurpa te asina leu, Festos a interumpié, gritando: ‘Loko bo ta, Pablo! Tur e sabiduria ei a hasi bo loko!’

Huan 10:20

Hopi di nan tabata bisa: ‘E ta poseé pa demoño: su kabes no ta bon! Pakiko boso ta skuch'é?’

Hoséas 9:7

E ora di hasi kuenta a yega, e ora ku Dios ta bai kastigá. Israel lo sintié! ‘E profeta ta un bobo,’ nan ta bisa, ‘e hòmber ei ku Spiritu a poderá di dje ta loko!’ Nan enemistat ta asina grandi, pasobra nan resistensia kontra Dios ta dje grandi ei.

Marko 3:21

Ora su hendenan a tende kiko tabata pasa, nan a bin busk'É pa nan bai kunÉ, pasobra nan a bisa: ‘Su kabes no ta bon.’

2 Reinan 9:22

Asina Yoram a weta Yehu, el a puntra: ‘Tur kos ta bon, Yehu?’ Esaki a kontestá: ‘Kon tur kos por ta bon, tanten bo mama Izebel ta sigui praktiká prostitushon i tur sorto di bruheria?’

2 Reinan 9:19

Yoram a manda un di dos sòldá di kabayeria. Esaki tambe a yega serka nan i a bisa ku rei ta laga puntra si tur kos ta bon. Yehu a kontestá: ‘No ta bo asuntu, bira bo ban ku nos!’

2 Reinan 9:17

Ora e guardia riba dak di e toren di Yizreel a mira Yehu i su grupo ta bini, el a grita: ‘Tin un grupo di hende ta bini ei!’ Yoram a ordená pa manda un sòldá di kabayeria bai kontra nan i puntra nan si tur kos ta bon.

2 Reinan 5:21

Asina Guehazi a bai tras di Naaman. Ora Naaman a ripará ku un hende tabata siguié, el a baha for di su garoshi bai kontr'é i a puntr'é: ‘Tur kos ta bon?’

2 Korintionan 5:13

Ora nos hasi manera ta hende loko nos ta, nos ta hasié pa Dios, pero ora nos aktua manera hende na tinu, nos ta hasié pa boso!

1 Korintionan 4:10

Pa Kristu su kousa nos a bira loko, ma boso sí ta asina sabí den Kristu! Nos ta suak, esta fuerte boso sí ta! Boso ta kana risibí honor; nos nan ta despresiá!

Echonan 17:18

Tambe tabatin algun filósofo epikureo i stoisista ta diskutí kuné i algun di nan a bisa: ‘Kiko e papiadó di kos di loko ei ke bisa?’ Algun otro a bisa: ‘Parse ku e ta un predikadó di dios strañero.’ Nan a bisa asina, pasobra Pablo tabata prediká e bon notisia tokante Hesus i tokante resurekshon.

Isaías 59:15

No por haña sinseridat niun kaminda i esun ku no drenta ku maldat ta kai den man di malechornan. SEÑOR a opservá tur e kosnan akí i a keda mashá malkontentu ku no tin hustisia.

2 Reinan 4:26

Kore top'é umbe i puntr'é kon ta kuné, ku su kasá i ku su yu.’ E sirbidó a bai. E señora a kontestá: ‘Bon danki.’

2 Reinan 9:2

Ora bo yega aya, bai buska Yehu, yu di Yoshafat, i ñetu di Nimshi. Bai serka dje, separ'é di e otro ofisialnan i hib'é den un kamber apartá.

2 Reinan 9:12

‘No lora lenga, konta nos pa kaba,’ nan a kontestá. E ora ei Yehu a bisa nan: ‘Wèl, el a bisa mi ku SEÑOR ta konsagrá mi rei di Israel.’