2 Reinan 7:13 - Papiamentu Bible 2013

¹³ Un di e ofisialnan a remarká: ‘Manda poko hòmber ku sinku di e kabainan ku a sobra, pa nos bai averiguá kon kos ta. Muri nan ta muri tòg, meskos ku tur e israelitanan ku a muri kaba.’

Beibel na Papiamentu Koriente 2013

¹³ Un di e ofisialnan a remarká: ‘Manda poko hòmber ku sinku di e kabainan ku a sobra, pa nos bai averiguá kon kos ta. Muri nan ta muri tòg, meskos ku tur e israelitanan ku a muri kaba.’

2 Reinan 7:13 Referans Kwoze

Lamentashonnan 4:9

Esnan ku a kai den bataya ta mihó pará ku esnan ku a muri di hamber, ku a tisga pokopoko pa falta 'i fruta di tera.

Yeremías 14:18

Si mi bai kunuku, ata hende matá pa spada; mi drenta siudat, ata hende muriendo di hamber. Asta saserdote- i profetanan ta dualu den pais sin sa ki' hasi.” ’

2 Reinan 7:4

Si nos disidí di bai den siudat, nos ta muri, pasobra aya ta reina hamber. Si nos keda aki tambe nos ta muri. Awèl, no ta keda nos nada otro ku djòin e arameonan i bai nan kampamentu. Si nan laga nos na bida, nos a skapa, si nò, bon, ta di muri numa.’

2 Reinan 6:33

E no a kaba di papia, ku rei a yega i bisa: ‘SEÑOR a manda e desgrasia akí riba nos. Kiko mas lo mi spera di SEÑOR?’

2 Reinan 5:13

Pero su sirbidónan a aserk'é i bis'é: ‘Tata, si e profeta a manda bo hasi algu difísil lo bo no a hasié? Di kon awor ku solamente el a manda bo bai baña pa bo kura di lepra, bo no ta hasié?’

2 Reinan 7:12

Rei a lanta meimei djanochi bisa su ofisialnan: ‘Mi ta bai konta boso loke e arameonan ke hasi ku nos. Nan sa ku nos tin hamber. P'esei nan a bandoná e kampamentu i bai skonde den kunuku. Nan lo a pensa: “Ora e israelitanan sali for di siudat nos ta kohe nan prezu i nos lo drenta siudat.” ’

2 Reinan 7:14

Asina nan a prepará dos garoshi kada un ku dos kabai, pa bai tras di e ehérsito di e arameonan i bai sondia tera.