2 Reinan 6:10 - Papiamentu Bible 2013

¹⁰ Rei di Israel a manda sòldá kaminda e hòmber di Dios a menshoná. Asin'ei el a atvertí rei, di manera ku rei tabata alerta. Kada be tabata sosodé meskos.

Beibel na Papiamentu Koriente 2013

¹⁰ Rei di Israel a manda sòldá kaminda e hòmber di Dios a menshoná. Asin'ei el a atvertí rei, di manera ku rei tabata alerta. Kada be tabata sosodé meskos.

2 Reinan 6:10 Referans Kwoze

Hebreonan 11:7

Pasobra Noe tabatin fe, el a tuma Dios na serio, ora El a atvertié pa kos ku ainda no por a mira. El a konstruí un arka pa salba su famia. Su bida di fe a kondená e otro hendenan riba mundu, pero a pone ku Dios a aseptá é komo hustu.

Echonan 27:24

i bisa mi: “No tene miedu, Pablo! Bo mester presentá dilanti di emperador, i Dios den su bondat a pone bida di esnan ku ta nabegá huntu ku bo den bo man.”

Mateo 3:7

Ora Huan a mira ku hopi fariseo i saduseo tabata bini serka dje pa batisá, el a bisa nan: ‘Rasa di kolebra, ken a atvertí boso pa boso hui pa e huisio benidero di Dios?

Mateo 2:12

Despues e sabionan a bai nan tera bèk via un otro ruta, pasobra Dios a atvertí nan den soño pa no pasa mas serka Heródes.

Proverbionan 27:12

Un hende sabí a mira peliger i buska kamind'i skonde, un bobo a bai riba dje i sufri daño.

2 Krónikanan 20:20

Su mañan mainta (manisé) trempan, ora nan tabata bai sali pa desierto di Tekoa, Yoshafat a bai dilanti i bisa: ‘Habitantenan di Huda i Herusalèm, skucha mi! Konfia den SEÑOR, boso Dios, i lo boso ta fuerte. Konfia su profetanan i boso lo logra.’

2 Reinan 13:14

Eliseo tabata sufri di un enfermedat ku lo kousa su morto. Rei Yoash di Israel a bin bishit'é i yorando el a bùk te den su kara i bis'é: ‘Mi tata, mi tata, bo tin mes balor pa Israel ku un ehérsito di garoshi ku kabai!’

2 Reinan 5:14

E ora ei Naaman a bai Yordan i a hinka su kurpa shete be bou di awa, manera e hòmber di Dios a bis'é. Su kueru a bira lizu atrobe, lizu manera kueru di un mucha chikitu, i a keda limpi di lepra.

2 Reinan 2:12

Eliseo a mir'é i a grita: ‘Mi tata, mi tata, bo tabata di mesun balor pa Israel ku un ehérsito di garoshi ku kabai.’ Despues di esaki e no por a mira Elías mas. Di fèrdrit Eliseo a sker su paña na dos.

1 Reinan 20:15

Ahab a inspektá e sòldánan di e gobernadornan provinsial: tabatin 232. Despues el a inspektá henter ehérsito di Israel: 7000 hòmber.

2 Reinan 6:9

Pero e hòmber di Dios a manda rospondi pa rei di Israel: ‘Sòru pa bo no pasa e kaminda ei, pasobra e arameonan ta baha djei.’

2 Reinan 6:11

Esaki a preokupá rei di Aram hopi. El a manda yama su ofisialnan i a puntra nan: ‘Bisa mi, kua di nos hendenan ta na fabor di rei di Israel?’

Yeremías 11:18

SEÑOR a pone mi na altura ku mi enemigunan tabata trama algu kontra mi. El a habri mi wowo pa mi por a realisá esei.