2 Reinan 4:29 - Papiamentu Bible 2013

²⁹ Eliseo a bisa Guehazi: ‘Ata mi bastòn, faha bo sintura i sali bai. Si bo topa un hende, no kumind'é, i si un hende kumindá bo, no rospondé. Pone mi bastòn riba kara di e mucha.’

Beibel na Papiamentu Koriente 2013

²⁹ Eliseo a bisa Guehazi: ‘Ata mi bastòn, faha bo sintura i sali bai. Si bo topa un hende, no kumind'é, i si un hende kumindá bo, no rospondé. Pone mi bastòn riba kara di e mucha.’

2 Reinan 4:29 Referans Kwoze

2 Reinan 2:14

El a bati riba e awa ku e mantel di Elías i a grita: ‘SEÑOR, Dios di Elías, unda Bo ta?’ Asina Eliseo tambe a bati riba e awa, e awa a parti; poko a bai pa aki banda, poko a bai pa aya banda, di manera ku e por a krusa.

1 Reinan 18:46

Pero SEÑOR a obra asina fuerte den Elías ku el a hisa su pañanan wanta ku un faha i a kore duru dilanti di Ahab te na e kaminda ku ta bai Yizreel.

Éksodo 14:16

I abo, kohe bo bastòn; rèk bo man riba laman i e ora ei e laman lo parti for di otro i e israelitanan por pasa dor di dje riba tera seku.

Lukas 10:4

No bai ku saku di plaka, ni ku saku di biahe, ni ku sandalia, ni no para kumindá niun hende na kaminda.

2 Reinan 9:1

Profeta Eliseo a yama un di e miembronan di e grupo di profeta i bis'é: ‘Faha bo sintura i bai Ramot-Guilead ku e butishi di zeta di oleifi akí.

Echonan 19:12

Asta nan tabata bai serka hende malu ku lensu i paña ku a bini den kontakto ku Pablo; nan tabata kura i spiritu malu tabata sali for di nan.

Echonan 3:16

Ta nòmber di Hesus i fe den e Nòmber ei a hasi e hòmber akí, ku boso ta mira i konosé, fuerte. Ta e fe ku Kristu ta duna hende a kura e hòmber akí kompletamente, manera boso mes ta mira.

2 Reinan 2:8

Elías a kita su mantel, lor'é i a bati kuné riba e awa. E awa a parti poko aki banda i poko aya banda, asina tur dos por a krusa riba tera seku.

Éksodo 4:17

Bai ku e bastòn akí, pasobra kuné bo mester hasi e milagernan.’

1 Pedro 1:13

P'esei sea prepará i huisioso. Spera tur ku tin riba loke Dios lo duna boso den su grasia, dia Hesu-Kristu bini bèk.

Efesionan 6:14

P'esei antó para kla ku bèrdat komo faha na bo sintura, ku hustisia komo korasa

2 Reinan 4:12

Eliseo a pidi su sirbidó Guehazi pa yama e señora di Shunem. Guehazi a yam'é. Ora e señora a bini el a keda para su dilanti.

Proverbionan 31:17

E ta faha su kurpa i ku ánimo e ta kuminsá traha.