2 Reinan 21:5 - Papiamentu Bible 2013

⁵ Riba e dos plenchinan di tèmpel di SEÑOR, Manase a traha altá pa tur e astronan na shelu.

Beibel na Papiamentu Koriente 2013

⁵ Riba e dos plenchinan di tèmpel di SEÑOR, Manase a traha altá pa tur e astronan na shelu.

2 Reinan 21:5 Referans Kwoze

1 Reinan 7:12

E plenchi grandi tabata será ku tres kareda di piedra kòrta na midí i un kareda di balki di palu di seder, meskos ku e plenchi sentral di tèmpel di SEÑOR i e portal.

2 Reinan 23:12

El a laga basha e altánan abou ku reinan di Huda a traha riba dak di e kuartu ariba di Ahas i esnan ku Manase a traha riba e dos plenchinan di tèmpel di SEÑOR. El a laga destruí nan i a tira e piedranan den riu Kidron.

2 Reinan 23:4

E ora ei rei a ordená gransaserdote Hilkías, e saserdotenan ku tabata siguié den rango i e guardia na entrada di tèmpel pa saka tur opheto ku tabata trahá pa kulto di Baal, Ashera i tur e astronan for di tèmpel di SEÑOR. El a laga kima nan pafó di Herusalèm den e kunukunan banda di riu Kidron. Despues el a laga hiba e shinishi Betel.

1 Reinan 6:36

E plenchi sentral el a sera ku un muraya di tres kareda di piedra kòrtá na midí i un kareda di balki di palu di seder.

Ezekiel 44:19

Ora nan ta bai e plenchi parti pafó kaminda e pueblo ta, nan ta obligá di kita e pañanan ku nan a tene sirbishi den dje; nan mester laga e pañanan ei keda den e kuartunan sagrado i bisti otro paña. Asina ta evitá ku e pueblo lo por mishi ku nan pañanan sagrado.

Ezekiel 43:5

E ora ei Spiritu a hisa mi i hiba mi e plenchi parti paden. Aya mi a mira ku henter tèmpel tabata yená ku gloria di SEÑOR.

Ezekiel 42:3

Na un banda e tabata pegá ku e pida bashí di dies meter banda di e tèmpel i na e otro banda e tabata pegá ku e plenchi parti pafó di mosaiko. E tabatin forma di un trapi i tabata konsistí di tres piso.

Ezekiel 40:47

E hòmber a midi e plenchi parti paden; e tabata firkant, sinkuenta pa sinkuenta meter. E altá tabata dilanti di e tèmpel.

Ezekiel 40:37

E hal tabata sali riba e plenchi parti pafó. E murayanan meimei tabata na tur dos banda dòrná ku palma. Via ocho tret tabata drenta e edifisio akí.

Ezekiel 40:32

Despues e hòmber a hiba mi na banda ost di e plenchi parti paden. El a midi e edifisio di entrada: e midínan tabata meskos ku esunnan di e otro edifisionan di entrada.

Ezekiel 40:28

E ora ei e hòmber a pasa dor di e edifisio di entrada na parti zùit hiba mi e plenchi parti paden. El a midi e edifisio di entrada di zùit: e midínan tabata meskos ku esunnan di e otro edifisionan di entrada.

2 Krónikanan 33:15

El a saka e diosnan falsu i e imágen di piedra sagrado for di tèmpel, tambe el a laga kita e altánan ku el a traha riba e seritu di tèmpel i otro kaminda na Herusalèm. Nan a saka nan pafó di siudat.

2 Krónikanan 33:5

Riba e dos plenchinan di tèmpel di SEÑOR, Manase a traha altá pa tur e astronan na shelu.

2 Reinan 23:6

Tambe el a laga saka e palu sagrado, imágen di Ashera, ku tabata den tèmpel di SEÑOR for di Herusalèm pa hib'é riu Kidron, kaminda a kim'é i garn'é hasié stòf. Despues el a stroi e shinishi den e santana di pueblo.

2 Reinan 23:5

Rei a kita tur e saserdotenan, e sirbidónan di dios falsu ku reinan di Huda a nombra pa kima ofrenda riba e seritunan di sakrifisio den siudatnan di Huda i den bisindario di Herusalèm, for di nan puesto. El a kita nan siguidónan tambe ku tabata kima ofrenda pa Baal, solo, luna, planetanan i pa tur otro astro.

2 Krónikanan 4:9

El a traha e plenchi pa e saserdotenan, i e plenchi grandi. El a fura e portanan ku bròns.

Ezekiel 8:16

Despues El a hiba mi riba e plenchi di tèmpel di SEÑOR. Na entrada, meimei di e portal ku e altá, mi a mira mas o ménos bintisinku hòmber pará ku lomba pa tèmpel i ku nan kara den direkshon ost. Nan a hinka rudia pa adorá solo ku tabata sali.