2 Reinan 18:8 - Papiamentu Bible 2013

⁸ El a derotá e filisteonan te na Gaza i el a destruí henter e region, for di e pueblonan mas chikitu, ku tin solamente un toren di vigilansia, te na e siudatnan reforsá.

Beibel na Papiamentu Koriente 2013

⁸ El a derotá e filisteonan te na Gaza i el a destruí henter e region, for di e pueblonan mas chikitu, ku tin solamente un toren di vigilansia, te na e siudatnan reforsá.

2 Reinan 18:8 Referans Kwoze

Isaías 14:29

‘Filisteonan tur, sin eksepshon, no kanta viktoria promé ku ora, pasobra e garoti ku tabata suta boso, a kibra. Rasa di kolebra ta engendrá un víbora, for di su webu ta sali un dragon buladó.

2 Reinan 17:9

E israelitanan a inventá tur sorto di kos ku SEÑOR, nan Dios, no tabata di akuerdo kuné. Tur kaminda, tantu den e pueblonan mas chikitu, ku solamente un toren di vigilansia, komo den e siudatnan reforsá, nan a traha seritu di sakrifisio.

2 Krónikanan 28:18

Ademas e filisteonan a invadí e siudatnan den sabana di Shefela i den desierto di Neguèb. Nan a invadí Bet-Shèmèsh, Ayalon, Guederot i Soko, tambe Timna i Guimzo ku e lugánan ku tabata pertenesé na nan i a bai biba ei.

Isaías 5:2

El a bòltu tera, saka tur piedra afó i planta mata di kalidat ekselente. Meimei di e hòfi el a lanta un toren i el a koba un baki pa machiká e drùifnan. El a spera ku e hòfi lo a produsí fruta dushi, ma ta blo bèshi shimaron so el a duna.

2 Krónikanan 26:10

Den desierto tambe el a traha toren i pasobra e tabatin un kantidat grandi di bestia di kria, tantu den sabana di Shefela komo den sabana altu, el a laga koba hopi pos. Komo e tabata gusta agrikultura, e tabatin, spesialmente den e serunan i den siudat Karmel, kunukero i trahadó den kunuku di wendrùif.

1 Krónikanan 4:41

Durante reinado di Ezekías, rei di Huda, e famianan ariba menshoná a yega di ataká pueblo di Ham i destruí nan tèntnan. Tambe nan a derotá e meunitanan ku tabata biba einan. Nan a kaba ku nan kompletamente i a tuma e lugá pa nan. Te dia djawe nan ta biba ei, pasobra tabatin kuminda pa nan bestianan.

Deuteronomio 2:23

E kaftoritanan ku a bini di Kaftor a kaba ku e awitanan ku tabata biba den e pueblonan te na Gaza i a keda biba aya.)

Yozue 15:47

Siudat Ashdod ku e siudat- i pueblonan rondó di dje, tambe siudat Gaza ku e siudat- i pueblonan rondó di dje te na e roi parti ost di Egipto i kosta di Laman Mediteráneo.

1 Reinan 5:4

Awor SEÑOR, mi Dios, a duna mi trankilidat riba tur tereno, no tin ni atversario ni ningun peliger mas.