2 Reinan 18:7 - Papiamentu Bible 2013

⁷ SEÑOR tabata kuné i e tabatin éksito den tur kos ku el a hasi. El a lanta kontra rei di Asiria i a nenga di someté su mes n'e.

Beibel na Papiamentu Koriente 2013

⁷ SEÑOR tabata kuné i e tabatin éksito den tur kos ku el a hasi. El a lanta kontra rei di Asiria i a nenga di someté su mes n'e.

2 Reinan 18:7 Referans Kwoze

2 Reinan 16:7

Ahas e ora ei, a manda su mensaheronan bisa Tiglat-Pilesèr, rei di Asiria: ‘Mi ta someté mi na bo i mi ta pone mi bou di bo protekshon. Bini, bin libra mi di rei di Aram i di rei di Israel ku a bin ataká mi.’

Romanonan 8:31

P'esei kiko mas nos por bisa? Si Dios ta na nos fabor, ken por ta kontra nos?

Salmo 60:12

Huntu ku Dios nos lo bringa ku kurashi, t'É lo machiká nos enemigunan.

Mateo 28:20

i siña nan kumpli ku tur loke Mi a manda boso. I sa ku Mi ta ku boso tur dia, te na fin di mundu.’

Salmo 1:3

E parse un palu, plantá kant'i awa, ku ta duna fruta na su tempu; su blachinan no ta marchitá — kiko ku e hasi, e ta bona.

2 Krónikanan 32:30

Ta e Ezekías akí a dèmpel boka di bròn di Guihon ku tabata riba tera i a guia e awa pa e pasa bou di tera den direkshon wèst bai Siudat di David. E tabata eksitoso den tur kos ku el a hasi.

2 Krónikanan 31:21

Tur kos ku el a hasi pa sirbishi den tèmpel, pa kumplimentu ku lei i mandamentunan di su Dios, el a hasi di henter su kurason i ku bon resultado.

1 Samuel 18:14

Komo ku SEÑOR tabata ku David, e tabatin éksito den tur loke e tabata hasi.

Mateo 1:23

‘Mira, un bírgen lo sali na estado i duna lus na un yu hòmber. Lo yam'É “Emanuel”, loke ta nifiká “Dios ku nos”.’

Salmo 46:11

SEÑOR di universo — E ta ku nos. Dios di Yakob ta un fòrti pa nos.

2 Krónikanan 15:2

El a bai kontra ku Asa i a bis'é: ‘Skucha mi, Asa, henter Huda i Benhamin! SEÑOR ta ku boso, miéntras boso ta kunÉ. Si boso busk'É, E ta laga boso hañ'É, pero si boso bira lomba p'E, E tambe ta bira lomba pa boso.

2 Reinan 18:20

Kon bo por biba kere ku palabra so por tin mes balor ku strategia i poder militar? Riba ken bo ta konfia antó, ku bo ta lanta kontra mi?

1 Samuel 18:5

David a sa di gana tur bataya ku Saul a mand'é bai bringa. P'esei Saul a dun'é un rango altu den ehérsito, loke a kai na agrado di henter e pueblo i tambe na agrado di e ofisialnan den servisio di Saul.

2 Samuel 8:6

Tambe el a lanta pòstnan militar den reino arameo di Damasko. For di e dia ei e arameonan tabata someté na David i nan mester a pag'é belasting. Asina SEÑOR a duna David viktoria unda ku el a bai bringa.

Génesis 21:22

Den e tempu ei Abimelèk a bai ku su komandante di ehérsito, Pikol, serka Abraham i a bis'é: ‘Den tur loke bo hasi, Dios ta ku bo.

2 Samuel 8:14

Despues el a lanta pòst militar den henter Edom i tur e edomitanan a keda someté na David. Unda ku David a bai bringa SEÑOR a dun'é viktoria.

2 Reinan 18:14

E ora ei Ezekías, rei di Huda, a manda rei di Asiria, ku tabata na Lakish e siguiente mensahe: ‘Mi a kometé un eror, yama bo ehérsito bèk i lo mi duna bo loke bo eksigí di mi.’ Rei di Asiria a pone rei Ezekías di Huda entreg'é 9000 kilo di plata i 900 kilo di oro.

Isaías 33:6

Pueblo di Herusalèm, SEÑOR ta duna bo seguridat den bo bida, kada be di nobo E ta trese salbashon, E ta duna sabiduria i konosementu na abundansia. Temor di Dios, esei ta bo tesoro di mas grandi.

Isaías 36:5

Kon bo por biba kere ku palabra so por tin mes balor ku strategia i poder militar? Riba ken bo ta konfia antó, ku bo ta lanta kontra mi?

Huesnan 1:19

SEÑOR tabata ku tribu di Huda i nan a konkistá e region di e serunan, pero nan no por a kore ku e habitantenan di e partinan mas abou pasobra e hendenan ei tabata bringa den garoshi di guera trahá di heru.

2 Reinan 17:3

Shalmanesèr, rei di Asiria, a sali pa ataká Hosea. E ora ei Hosea a someté su mes n'e i a pag'é belasting.