2 Reinan 16:15 - Papiamentu Bible 2013

¹⁵ Rei Ahas a duna saserdote Urías e siguiente òrdu: ‘Hasi uso di e altá nobo akí pa e sakrifisio di kandela di mainta i pa e ofrenda vegetal di atardi, tambe pa e sakrifisio di kandela i e ofrenda vegetal di rei i di e pueblo i pa e ofrenda di líkido di e pueblo. Tambe sprengu sanger di e bestianan di sakrifisio di kandela i di e otro bestianan di sakrifisio riba altá. Pero pa loke ta e altá di bròns, despues mi mes lo tuma un desishon.’

Beibel na Papiamentu Koriente 2013

¹⁵ Rei Ahas a duna saserdote Urías e siguiente òrdu: ‘Hasi uso di e altá nobo akí pa e sakrifisio di kandela di mainta i pa e ofrenda vegetal di atardi, tambe pa e sakrifisio di kandela i e ofrenda vegetal di rei i di e pueblo i pa e ofrenda di líkido di e pueblo. Tambe sprengu sanger di e bestianan di sakrifisio di kandela i di e otro bestianan di sakrifisio riba altá. Pero pa loke ta e altá di bròns, despues mi mes lo tuma un desishon.’

2 Reinan 16:15 Referans Kwoze

2 Reinan 18:4

Ezekías ta esun ku a kita e seritunan di sakrifisio, ku a kibra e piedranan sagrado na pida pida i ku a kap e palunan sagrado basha abou. Tambe el a garna e kolebra di bròns, ku Moises a traha. Pasobra te na e momento ei ainda e israelitanan tabata kima sensia pa e kolebra. Nan tabata yam'é Nehushtan.

1 Reinan 8:64

E mes dia rei a konsagrá e parti meimei di e plenchi dilanti di tèmpel di SEÑOR; einan el a ofresé sakrifisio di kandela, ofrenda vegetal i e sebu di sakrifisio di pas, pasobra e altá di bròns dilanti di e tèmpel mes tabata muchu chikí pa karga e sakrifisionan di kandela, e ofrendanan vegetal i e sebu di e sakrifisionan di pas.

Hoséas 4:12

pida palu nan ta pidi konseho, un staf mester pronostiká nan un kos. Nan ta laga hinka nan den tentashon, nan ta pèrdè kaminda, nan ta bira infiel na nan Dios.

Daniel 12:11

For di e momento ku nan pone fin na sakrifisio diario i lanta un kos repugnante ku ta trese destrukshon, lo pasa 1290 dia.

Daniel 11:31

E ora ei e ta lanta gruponan di bataya, ku ta profaná e santuario i su fòrti. Nan ta para e sakrifisionan diario i ta lanta un kos repugnante ku ta trese destrukshon.

Daniel 9:27

I durante un siman e lider akí lo tin un pakto fiho ku hopi hende. Meimei di e siman ei lo e para tur sakrifisio i ofrenda. Na lugá di esei e ta pone algu repugnante ku ta trese destrukshon. Esaki ta sigui te ora e destrukshon determiná kai riba esun ku a kometé e akto destruktivo akí.” ’

Daniel 9:21

Miéntras mi tabata resa ainda, Gabriel, ku mi a mira kaba den e vishon, a bula bini purá serka mi ora di e sakrifisio di atardi.

Isaías 2:6

Bo a habri man laga bo pueblo bai, e pueblo, desendiente di Yakob, pasobra el a tuma yen di kustumber for di ost, e ta praktiká montamentu manera e filisteonan i ta hasi negoshi ku strañero,

2 Krónikanan 33:6

Tambe el a ofresé su yu hòmber komo sakrifisio di kandela den vaye di Bèn-Hinom. El a praktiká miramentu di destino i bruheria. El a tuma hende den servisio ku por a konsultá spiritu di defuntu. Manase a hasi hopi kos malu den bista di SEÑOR i asina a provoká SEÑOR.

2 Krónikanan 29:35

Ademas, riba e dia ei e kantidat di sakrifisio di kandela tabata mashá grandi i aparte di esei e saserdotenan mester a ofresé e sebu di e sakrifisio di pas i mester a basha biña komo ofrenda huntu ku e sakrifisio di kandela. Asina a restablesé e sirbishi di sakrifisio den tèmpel di SEÑOR.

2 Krónikanan 29:32

E kantidat di sakrifisio di kandela ku nan a ofresé na SEÑOR tabata: setenta baka, shen chubat'i karné i dosshen karné.

2 Reinan 16:14

Entre e altá nobo i e parti dilanti di tèmpel ainda tabatin e altá di bròns na honor di SEÑOR. Rei a laga kit'é i a dun'é un lugá na parti nort di e altá nobo.

2 Reinan 3:20

Su siguiente mainta, nèt na ora di ofresé sakrifisio, ata a bini asina tantu awa for di direkshon di Edom, ku tur e tera a keda bou di awa.

1 Reinan 3:4

Asina el a bai Guibeon, e seritu prinsipal, un bia pa ofresé sakrifisio. El a yega di a ofresé mil sakrifisio di kandela riba altá ei.

Génesis 44:5

ku mi shon ta bebe for di dje i ku e sa usa pa mira destino? Boso a hasi malu.” ’

2 Reinan 16:16

Saserdote Urías a hasi tur kos manera rei Ahas a ordená.

1 Reinan 7:23

Despues Huram a traha ‘Laman’, esta un pila mashá grandi di bròns bashá, pa pone awa. E tabata rondó i tabata midi sinku meter di un banda pa e otro. E tabata dos meter i mei altu, tabatin mester di un sinta di diessinku meter pa pasa rònt di dje.