2 Reinan 16:11 - Papiamentu Bible 2013

¹¹ Urías a traha un altá presis segun e instrukshonnan ku Ahas a manda p'e for di Damasko. E tabatin e altá kla promé ku Ahas a bolbe for di Damasko.

Beibel na Papiamentu Koriente 2013

¹¹ Urías a traha un altá presis segun e instrukshonnan ku Ahas a manda p'e for di Damasko. E tabatin e altá kla promé ku Ahas a bolbe for di Damasko.

2 Reinan 16:11 Referans Kwoze

Galatanan 1:10

Ta aprobashon di hende mi ta buska? Nò, ta aprobashon di Dios! Ta popular mi ke ta den bista di hende? Nò, si tabata asina, lo mi no tabata sirbidó di Kristu.

Hoséas 5:11

A oprimí Efraim, kibra derecho aya, pasobra el a skohe pa bai tras di kakushi.

Hoséas 4:6

Mi pueblo ta muri pasobra nan no konosé Mi. Pasobra boso, saserdotenan, no tin kunes si e hendenan konosé Mi, p'esei Mi no tin kunes ku boso mas; Mi ta rechasá boso komo mi saserdote. Pasobra boso a lubidá mi lei, Ami lo lubidá boso yunan.

Daniel 3:7

Asina ta ku hende di tur pueblo, nashon i idioma a tira nan kurpa abou na suela i adorá e estatua di oro ku Nebukadnèsar a laga traha, asina nan a tende zonido di kachu, flùit, siter, lira, arpa i tur otro sorto di instrumènt di muzik.

Ezekiel 22:26

Su saserdotenan ta violá mi lei i profaná loke ta sagrado; nan no ta hasi diferensia entre sagrado i impuru; nan no ta mustra riba e diferensia entre puru i impuru ni ta hasi kaso di mi dia di sabat; asina nan ta deshonrá Mi.

Yeremías 23:11

Ni profeta ni saserdote no tin kunes ku Mi; te asta den mi tèmpel Mi ta mira nan hasi malu ketu bai.

Isaías 8:2

Anto buska dos testigu digno di konfiansa pa Mi, esta e saserdote Urías i Zakarías, yu di Yebèrèkyahu.’

2 Reinan 16:10

Ora rei Ahas a bai Damasko pa topa ku Tiglat-Pilesèr, rei di Asiria, Ahas a weta e altá ku tabatin aya. El a manda un plan eksakto di konstrukshon di e altá pa saserdote Urías.

2 Reinan 16:12

Ora rei Ahas a bolbe Herusalèm i mira e altá, el a aserk'é i subié.

2 Reinan 16:14

Entre e altá nobo i e parti dilanti di tèmpel ainda tabatin e altá di bròns na honor di SEÑOR. Rei a laga kit'é i a dun'é un lugá na parti nort di e altá nobo.

2 Reinan 16:16

Saserdote Urías a hasi tur kos manera rei Ahas a ordená.

2 Reinan 21:4

Ademas Manase a traha altá den tèmpel di SEÑOR na Herusalèm, nèt kaminda SEÑOR a skohe pa E ta presente pa ador'É.

2 Reinan 21:7

El a traha un imágen di dios Ashera i pon'é den tèmpel, ounke SEÑOR a bisa David i su yu Salomon: ‘Den e tèmpel akí na Herusalèm, e lugá ku Mi a skohe for di tur region di e tribunan di Israel, Mi ke ta presente meimei di boso pa boso adorá Mi pa semper.

2 Krónikanan 33:4

Ademas Manase a traha altá den tèmpel di SEÑOR na Herusalèm, nèt kaminda SEÑOR a skohe pa ta presente pa semper.