2 Reinan 1:4 - Papiamentu Bible 2013

⁴ P'esei SEÑOR ta bisa: Bo no ta lanta mas for di e kama ku bo ta drumi ariba ei, bo ta muri sigur.” ’ E ora ei Elías a sali bai.

Beibel na Papiamentu Koriente 2013

⁴ P'esei SEÑOR ta bisa: Bo no ta lanta mas for di e kama ku bo ta drumi ariba ei, bo ta muri sigur.” ’ E ora ei Elías a sali bai.

2 Reinan 1:4 Referans Kwoze

Ezekiel 18:4

Bo mester sa ku bida di kada hende ta den mi man, bida di e tata, pero tambe di e yu; ta den mi man nan bida ta. Solamente hende ku peka, ta muri.

Génesis 3:4

Pero e kolebra a kontestá e muhé: ‘No tin kuenta di boso ta muri.

Génesis 2:17

pero di e palu ku ta duna konosementu di bon i malu sí no. Pasobra e dia ku bo kome for di dje, bo ta muri sigur.’

Proverbionan 11:19

Esnan ku kore tras di hustisia ta biba, esnan ku kore tras di maldat ta muri.

2 Reinan 1:16

Elías a bisa rei: ‘SEÑOR ta bisa asin'akí: “Pasobra bo a manda mensahero pa konsultá Baal-Zebub, dios di Ekron, komo si fuera no tin Dios na Israel ku bo por konsultá, bo no ta lanta mas for di bo kama di malu. Bo ta muri sigur.” ’

1 Samuel 28:19

Lo E laga i abo i e israelitanan kai den man di e filisteonan. Mañan abo i bo yu hòmbernan lo ta serka mi den reino di morto. SEÑOR lo laga e ehérsito di Israel tambe kai den man di e filisteonan.’

Proverbionan 14:32

Mal hende ta keda ruiná pa su mes maldat, hende hustu ta sintié trankil, asta ora morto yega.

2 Reinan 1:6

Nan a kontestá: ‘Un hòmber a kontra nos i a bisa nos: “Bai bèk serka e rei ku a manda boso i bis'é kiko SEÑOR ta bisa: Ta Dios no tin anto na Israel ku bo ta manda mensahero bai konsultá Baal-Zebub, dios di Ekron? P'esei bo no ta lanta mas for di e kama ku bo ta drumi ariba ei, bo ta muri sigur.” ’

1 Reinan 14:12

Awor, señora, bai kas numa. Na momento ku bo pone pia den siudat e yu ta muri.

Numbernan 26:65

pasobra SEÑOR a bisa di nan: ‘Den desierto nan lo muri!’ Niun di nan no tabata na bida mas, ku eksepshon di Kaleb, yu hòmber di Yefune, i Yozue, yu hòmber di Nun.

2 Reinan 1:5

Ora e mensaheronan a bolbe serka rei, el a puntra nan: ‘Kiko? Ya boso a bini bèk?’

1 Reinan 18:2

Elías a sali pa e bai serka Ahab. Entretantu e hamber ku tabata reina na Samaria a bira asina grandi,

2 Reinan 8:10

Eliseo a kontestá: ‘Bai bis'é ku e ta kura sigur, pero SEÑOR a laga mi mira ku e ta muri sigur.’

2 Reinan 20:1

Den e tempu ei Ezekías a bira malu pa muri. Profeta Isaías, yu di Amoz, a bai serka dje i bis'é: ‘Asina SEÑOR ta bisa: “Duna bo famia bo último instrukshonnan, pasobra bo dianan ta kontá. Bo no ta bira bon mas.” ’