2 Pedro 2:21 - Papiamentu Bible 2013

²¹ Pasobra lo tabata mihó pa nan si nunka nan no a konosé e kaminda rekto, ku konos'é i despues bira lomba pa loke Dios a manda nan hasi.

Beibel na Papiamentu Koriente 2013

²¹ Pasobra lo tabata mihó pa nan si nunka nan no a konosé e kaminda rekto, ku konos'é i despues bira lomba pa loke Dios a manda nan hasi.

2 Pedro 2:21 Referans Kwoze

Ezekiel 18:24

Pero ora un hende hustu stòp di ta hustu? Ora e bai hasi kosnan inhustu i mes kosnan repugnante ku e hende malbado? Un hende asina ta keda na bida e ora ei? Nò. No ta tene kuenta ku tempu ku e tabata hasi kos hustu. Lo e muri, pasobra el a bira lomba pa Mi i a peka.

Hakobo 4:17

Si un hende sa kiko ta bon pa hasi, ma ta keda sin hasié, e ta hasi piká.

Ezekiel 3:20

I si un hende ku te awor a hasi loke ta hustu, bira lomba pa loke ta bon i hasi loke ta malu, e ora ei Mi ta lag'é kai i lo e muri. Si bo no a avis'é, e ora ei lo e muri pa motibu di su pikánan. Lo Mi no tene kuenta ku su bon obranan di promé. I lo Mi yama abo pa bo duna kuenta di su morto!

Lukas 12:47

E kriá ku sa kiko su shon ke pa e hasi i keda sin hasié òf keda sin prepará su mes, lo haña un bon halá di sota.

Huan 15:22

Si Mi no a bin papia ku nan, nan lo no tabata kulpabel di piká. Awor nan no tin niun eksküs pa nan piká.

1 Tesalonisensenan 4:2

Pasobra boso konosé e instrukshonnan ku nos a duna boso ku outoridat di Señor Hesus.

Huan 9:41

Hesus a bisa nan: ‘Si boso tabata siegu, boso lo no tabata kulpabel, ma pasobra boso ta insistí ku boso ta mira, boso ta keda kulpabel.’

Sofonías 1:6

Mi ta bai kaba tambe ku esnan ku ta bira lomba pa Mi i ku no ta buska Mi ni konsultá ku Mi.’

Mateo 21:32

Huan a bin mustra boso e kaminda di hustisia, ma boso no a ker'é. Kobradó di belasting i muhé di bida sí a ker'é. Ma asta ora boso a mira esei, boso no a kambia di idea despues i kere Huan.

Proverbionan 16:31

Kabei blanku ta un korona digno, ku bo ta gana ora bo biba segun Dios su palabra.

Romanonan 7:12

Asina ta ku Lei di Moises riba su mes ta santu, i su mandamentunan ta santu, hustu i bon.

Ezekiel 23:13

I Mi a mira kon el a hasi su mes impuru ku e hendenan ei: e ku su ruman ta riba e mesun skèr kòrtá.

Proverbionan 12:28

Hustisia ta e kaminda pa bida, un patruli seif kaminda morto n' ta drumi lur.

Salmo 125:5

ma esnan ku a bira infiel i ta sigui nan kamindanan robes, bari nan, SEÑOR, huntu ku malbadonan. Pas pa Israel!

Salmo 85:8

Mi ke skucha Dios-SEÑOR su palabra: ‘Pas!’ esei ta su mensahe pa su pueblo, pa tur ku ta su fielnan, kontal ku nan no bolbe hasi bobedat.

Ezekiel 33:13

Ora Mi bisa di un hende hustu ku lo e keda na bida, pero e konfia riba su echonan hustu i hasi maldat, e ora ei lo no tene kuenta ku su echonan hustu di ántes; lo e muri pa motibu di e maldat ku el a hasi.

Galatanan 6:2

Boso un yuda otro ku su karga i asin'ei boso ta kumpli ku lei di Kristu.

1 Timoteo 6:14

Hasi loke a manda bo i lo bo ta sin mancha i ireprochabel. Atené bo mes na esei fielmente te dia nos Señor Hesu-Kristu manifestá su mes.

Hebreonan 10:26

Si nos a siña konosé e bèrdat, i deliberadamente keda hasi piká, no tin ningun sakrifisio mas ku por kita nos pikánan.

2 Pedro 3:2

Kòrda loke e profetanan santu a bisa hopi tempu pasá i e loke Señor i Salbador, pa boka di boso apòstelnan, a manda boso hasi.

Hudas 1:3

Rumannan stimá, mi tabatin un gran deseo pa skibi boso tokante e salbashon ku boso i ami tin en komun. Pero mi a haña mi obligá ta kurashá boso pa hasi boso máksimo esfuerso na benefisio di e fe ku un bia i pa semper a keda entregá na e pueblo santu di Dios.