2 Pedro 1:8 - Papiamentu Bible 2013

⁸ Si boso tin e kualidatnan akí i nan desaroyá den boso bida, nan lo hasi boso konosementu di nos Señor Hesu-Kristu útil i fruktífero.

Beibel na Papiamentu Koriente 2013

⁸ Si boso tin e kualidatnan akí i nan desaroyá den boso bida, nan lo hasi boso konosementu di nos Señor Hesu-Kristu útil i fruktífero.

2 Pedro 1:8 Referans Kwoze

Tito 3:14

Nos hendenan mester siña dediká nan tempu na hasi bon obra tambe i yuda den kaso di nesesidat, ya nan ta hiba un bida fruktífero.

Kolosensenan 3:16

Laga e mensahe tokante Kristu permanesé ku tur su rikesa den boso kurason. Siña i koregí otro ku tur sabiduria. Kanta salmo, himno i kantika spiritual na Dios ku un kurason gradesido.

Huan 15:2

E ta kita tur taki fo'i Mi ku no ta karga fruta, i E ta snui tur taki ku sí ta karga fruta, pa nan karga mas fruta ainda.

Hebreonan 6:12

Boso no mag bira floho, nò, boso mester tuma ehèmpel di esnan ku pa medio di fe i pasenshi ta haña loke Dios a primintí.

Filipensenan 1:9

Anto esaki ta mi orashon: Mare boso por haña mas i mas konosementu i bon komprondementu pa boso amor bira mas kompleto;

1 Tesalonisensenan 4:1

Awor, rumannan, den nòmber di Señor Hesus nos ta pidi i eksigí di boso pa sigui biba den un forma ku ta agradá Dios, manera nos a siña boso i hasié mas di loke boso ta hasiendo kaba.

1 Korintionan 15:58

P'esei anto, rumannan stimá, para firme sin tambaliá, mira pa boso destaká semper den boso trabou pa Señor, pasobra boso sa ku e trabou ku boso ta hasi den union ku Señor, no ta enbano.

2 Pedro 1:2

Grasia i pas sea ku boso abundantemente pa medio di boso konosementu di Dios i di nos Señor Hesus.

Filemon 1:6

Mi ta resa, pa e fe ku bo ta kompartí ku e otro kreyentenan, hiba bo na un komprondementu berdadero di tur e kosnan bon ku nos por hasi pa Kristu.

2 Tesalonisensenan 1:3

Rumannan, ta nos deber pa semper yama Dios danki pa boso. Anto ta bon pa hasi esei, pasobra boso fe ta kresiendo abundantemente i e stimashon ku boso tin pa otro ta oumentando.

Filipensenan 2:5

Boso mester tin e mesun aktitut ku Kristu-Hesus tabatin:

2 Korintionan 13:5

Saminá boso mes i husga si boso ta biba den fe. Boso sa tòg ku Kristu ta biba den boso? Si boso no sa esei, boso a faya den e prueba.

Kolosensenan 2:7

Sòru pa boso ta ankrá profundamente den djE i laga E ta fundeshi di boso bida. Keda firme den e fe ku a siña boso i laga palabra di gradisimentu na Dios brota sali for di boso boka.

2 Korintionan 9:14

Nan lo resa pa boso ku hopi kariño, pasobra Dios a mustra boso su grasia na abundansia.

2 Korintionan 8:2

Ounke nan a pasa den prueba pisá, nan tabata mashá kontentu i ounke nan tabata mashá pober, nan kontribushonnan tabata mes generoso ku di hende riku.

1 Timoteo 5:13

Ademas nan ta tuma pa kustumber di pasa kas pa kas i hasi kos di floho; anto esei no ta tur kos, no solamente nan ta bira floho, pero tambe hasidó di redu ku ta mete den loke no ta toka nan i ta papia loke nan no mester papia!

1 Tesalonisensenan 3:12

I ku Señor laga boso amor pa otro i pa tur otro hende krese i bona, pa e bira meskos ku nos amor pa boso.

2 Korintionan 8:7

Boso tin tur kos na abundansia: fe, elokuensia, konosementu, zelo sin límite i nos amor pa boso; p'esei duna na abundansia pa e obra di karidat akí tambe.

Romanonan 12:11

Traha ku zelo i no hasi kos di floho; sirbi Señor ku un kurason ferviente.

Huan 5:42

ma Mi sa ki tipo di hende boso ta; den boso kurason no tin amor pa Dios.

Mateo 25:26

Ma su shon a rospond'é: “Kriá malbado i floho! Bo sa ku mi ta kosechá kaminda mi no a planta i ku mi ta hunta kaminda mi no a sembra.

Mateo 20:6

Band'i sink'or el a bolbe sali i a haña mas hende pará pòrnada. El a puntra nan: “Pakiko boso ta para pòrnada aki henter dia?”

Mateo 20:3

Band'i nueb'or di mainta, El a bolbe sali i a mira algun hòmber pará pòrnada na plasa.

Mateo 13:22

E simia ku a kai meimei di sumpiña, ta esun ku ta tende e palabra, ma kosnan di mundu ta preokup'é hopi i rikesa ta gañ'é. Tur e kosnan akí ta stek e palabra i e no ta karga fruta.

Proverbionan 19:15

Flohera ta pone hende drumi duru, hende floho ta pasa hamber.

Huan 17:3

I bida eterno ke men: konosé Abo, e úniko Dios berdadero, i konosé Kristu-Hesus, Esun ku Abo a manda.

Filipensenan 3:8

Ma mas ku esei, no solamente e kosnan ei, sino tur kos mes mi ta konsiderá di ta un pèrdida, kompará ku konosé Kristu-Hesus, mi Señor. Esei ta mas balioso ku tur otro kos! Pa su motibu mi a entregá tur kos i mi ta konsiderá tur e kosnan ei bagas, pa asin'ei mi por gana Kristu

Kolosensenan 1:10

E ora ei boso por biba na un manera ku ta honra Señor i boso por hasi semper loke ta agrad'É. Asina boso lo karga fruta hasiendo tur klase di bon obra i boso lo krese den konosementu berdadero di Señor.

2 Pedro 1:3

Su poder dibino a duna nos tur loke nos mester pa hiba un bida dediká na Dios pa medio di nos konosementu di Esun ku a yama nos dor di su mes gloria i obra maravioso.

2 Pedro 2:20

Si e hendenan ei, ku a konosé nos Señor i Salbador Hesu-Kristu i asina a logra hui di e sushedat ku tin den mundu, bolbe kai den e kosnan ei i keda bou di nan dominio, nan lo ta pió ku ántes.

2 Pedro 3:18

Pero sigui krese den grasia i konosementu di nos Señor i Salbador Hesu-Kristu. Gloria n'E, awor i pa semper! Amèn!