2 Krónikanan 26:13 - Papiamentu Bible 2013

¹³ Nan tabatin mando riba 307.500 sòldá bon itrein, ku tabata yuda rei den su bataya kontra enemigu.

Beibel na Papiamentu Koriente 2013

¹³ Nan tabatin mando riba 307.500 sòldá bon itrein, ku tabata yuda rei den su bataya kontra enemigu.

2 Krónikanan 26:13 Referans Kwoze

2 Krónikanan 25:5

Amasías a laga yama tur hòmber di Huda pa drenta servisio militar. El a repartí e hudeonan i benhaminitanan segun nan famia i a nombra algun òfisir riba mil i riba shen sòldá. Despues di a konta tur di binti aña òf mas, a resultá ku e tabatin un ehérsito di 300.000 sòldá itrein ku por a usa lansa i eskudo.

2 Krónikanan 14:8

Asa tabatin un ehérsito di 300.000 hudeo; nan tabatin eskudo i lansa. E tabata disponé tambe di un ehérsito di 280.000 benhaminita; nan tabatin eskudo chikí i bog. Tur tabata sòldánan balente.

2 Krónikanan 13:3

Abías a forma un ehérsito di 400.000 sòldá bon itrein; Yerobeam a konfront'é ku un ehérsito di 800.000 sòldá bon itrein.

2 Krónikanan 11:1

Bèk na Herusalèm Rehabeam a skohe for di tur e famianan di Huda i Benhamin, 180.000 sòldá bon itrein, pa bringa kontra Israel pa haña dominio riba e reino bèk.

2 Krónikanan 12:1

Asina Rehabeam a pone su reino para firme i haña outoridat, e i henter su pueblo no ker a tende nada mas di lei di SEÑOR.

2 Krónikanan 26:12

E ehérsito tabata bou di mando di 2600 kabes di famia.

2 Krónikanan 26:14

Uzías a sòru pa e ehérsito tabatin eskudo, lansa, hèlmu, korasa, bog i piedra pa slengu.

2 Krónikanan 14:7

Asa a bisa pueblo di Huda: ‘Laga nos reforsá e siudatnan dor di traha muraya rondó di nan ku toren i portanan ku rèndu. Ainda nos tin e pais den nos poder. Pasobra nos a kumpli ku boluntat di SEÑOR, nos Dios, El a sòru pa nos i a duna nos trankilidat na tur nos fronteranan.’ Nan a kuminsá ku e trabou i tur kos a bai bon.