2 Korintionan 9:4 - Papiamentu Bible 2013

⁴ Pasobra si e hendenan di Masedonia bini huntu ku mi i nan haña ku boso no ta kla, esei lo ta un bèrgwensa pa nos ku a konfia den boso — pa no papia mes di e bèrgwensa ku boso mes lo sinti!

Beibel na Papiamentu Koriente 2013

⁴ Pasobra si e hendenan di Masedonia bini huntu ku mi i nan haña ku boso no ta kla, esei lo ta un bèrgwensa pa nos ku a konfia den boso — pa no papia mes di e bèrgwensa ku boso mes lo sinti!

2 Korintionan 9:4 Referans Kwoze

2 Korintionan 11:17

Loke mi ta bai bisa boso, mi no ta bisa komo sirbidó di Señor, pero mi ta papia manera un hende loko ku ta kere ku e por broma ku su mes kosnan.

2 Korintionan 9:2

Mi sa ku boso ta dispuesto pa yuda i mi ta broma ku boso serka e hendenan na Masedonia; mi a bisa: ‘E rumannan na Gresia ta kla pa yuda for di aña pasá!’ I boso zelo pa yuda a animá mayoria di e hendenan na Masedonia pa duna un man.

2 Korintionan 8:24

Mustra nan ku boso ta stima nan pa proba e iglesianan ku ta ku rason nos ta broma ku boso.

Romanonan 15:26

Pasobra e rumannan di Masedonia i Akaya a disidí di duna un kontribushon na e pobernan di e pueblo santu di Dios na Herusalèm.

1 Korintionan 16:2

Riba djadumingu kada un di boso mester pone algu un banda segun boso forsa i ward'é pa ora mi yega, boso no tin nodi di kolektá sèn.

Filemon 1:19

Awor mi mes man ta skibi esaki: ‘Ami, Pablo, ta paga bo bèk!’ Klaro ku no ta nesesario pa mi kòrda bo ku bo tin un debe serka mi, esta bo mes!