2 Korintionan 8:6 - Papiamentu Bible 2013

⁶ P'esei nos a pidi Tito pa terminá e obra di karidat akí ku el a kuminsá serka boso.

Beibel na Papiamentu Koriente 2013

⁶ P'esei nos a pidi Tito pa terminá e obra di karidat akí ku el a kuminsá serka boso.

2 Korintionan 8:6 Referans Kwoze

2 Korintionan 12:18

Mi a hasi un apelashon serio riba Tito pa e bai serka boso i mi a manda e otro ruman kuné. Por ta Tito a probechá di boso? Akaso Tito no ta un hende ku ta pensa i aktua meskos ku mi?

2 Korintionan 8:19

Ademas e iglesianan a skoh'é pa biaha huntu ku nos i yuda nos den e obra di karidat ku nos ta hasi pa honra Dios i mustra nos deseo di yuda boso.

2 Korintionan 8:4

nan a roga ku mashá insistensia pa nan tambe por duna algu pa yuda e kreyentenan na Hudea.

1 Pedro 4:10

Komo bon manehadó di e diferente donnan di Dios, nos kada un mester sirbi e otronan ku e don spesial ku Dios a duna nos.

Filipensenan 4:18

Mi a risibí sufisiente pago, asta mas ku esei! Mi a haña tur loke mi mester, awor ku Epafrodito a trese boso regalonan pa mi. Nan ta manera un holó dushi, un sakrifisio aseptabel i plasentero na Dios.

2 Korintionan 9:5

P'esei mi a haña ta nesesario pa pidi e rumannan akí bai serka boso promé ku mi bini, pa yuda boso prepará e kontribushon ku boso mes a primintí. E ora ei lo ta kla ku ta trata di un donashon generoso i no di algu ku a fòrsa boso pa duna.

Echonan 24:17

Despues di hopi aña mi a bai Herusalèm pa hiba un ofrenda di karidat pa mi pueblo i ofresé sakrifisio.

Romanonan 15:25

Pero awor mi ta bai Herusalèm pa hiba un yudansa pa e rumannan aya.

2 Korintionan 2:13

Pero mi tabata kontinuamente den ansha, pasobra mi no a topa ruman Tito. P'esei mi a bandoná Troas i a sigui pa Masedonia.

2 Korintionan 8:10

Ta un konseho so mi ta duna boso pa boso mes bon. For di aña pasá boso tabatin un plan kaba i boso a kuminsá pon'é den práktika.

2 Korintionan 8:23

Pa loke ta trata Tito, e ta mi kompañero i ta kolaborá ku mi pa yuda boso. E otro rumannan ku ta bai huntu kuné, ta representá e iglesianan; nan ta hende ku ta honra Kristu.