2 Korintionan 3:16 - Papiamentu Bible 2013

¹⁶ Loke tin bisá di Moises, ta konta pa nan tambe: ‘Su wal tabata kita for di su kara, ora e tabata bai bèk serka Señor.’

Beibel na Papiamentu Koriente 2013

¹⁶ Loke tin bisá di Moises, ta konta pa nan tambe: ‘Su wal tabata kita for di su kara, ora e tabata bai bèk serka Señor.’

2 Korintionan 3:16 Referans Kwoze

Éksodo 34:34

For di e dia ei ta ora e tabata bai den tènt di enkuentro pa papia ku SEÑOR, e tabata kita e wal for di su kara. Ora e tabata sali pa e bisa e israelitanan loke SEÑOR a orden'é, e tabata tapa su kara atrobe pa nan no mira ku su kara tabata bria.

Isaías 29:18

E dia ei surdunan lo tende loke lesa for di un buki pa nan, siegunan lo sali fo'i skuridat profundo ku lus den nan wowo.

Isaías 25:7

Riba e seru akí SEÑOR ta kibra e belo di rou ku ta tapa tur pueblo, e mortaha ku ta kubri tur nashon.

Romanonan 11:23

Pa loke ta trata e hudiunan, si nan pone nan inkredulidat un banda, Dios lo ènter nan na e palu. Sí, E tin poder pa bolbe ènter nan.

Yeremías 31:34

Lo no tin nesesidat di instruí un bisiña o ruman mas i di bisa otro: “Siña konosé SEÑOR!” Pasobra nan tur lo sa ken Mi ta,’ SEÑOR ta bisa, ‘tur, di chikí te grandi. Lo Mi pordoná nan maldat i no kòrda mas riba nan piká.’

Lamentashonnan 3:40

Ban saminá nos manera di aktua i bolbe serka SEÑOR!

Isaías 54:13

Tur bo habitantenan lo bin siña serka Mi, nan lo biba den gran prosperidat.

Deuteronomio 30:10

Solamente boso mester tende di SEÑOR, boso Dios, i kumpli ku su mandamentunan i leinan ku ta pará den e buki akí. Boso mester bolbe serka SEÑOR, boso Dios, ku henter boso alma i ku henter boso kurason.

Deuteronomio 4:30

Ora boso ta den apuro, pasobra e kosnan akí ta pasa boso, e ora ei boso lo bolbe serka SEÑOR, boso Dios, i obedes'É.

2 Korintionan 3:15

pero te dia djawe tin un wal ta tapa nan mente, kada be ku nan lesa e bukinan di Moises.