1 Timoteo 6:18 - Papiamentu Bible 2013

¹⁸ Bisa nan hasi bon, bira riku na bon obra, sea generoso i kla pa mustra amabilidat.

Beibel na Papiamentu Koriente 2013

¹⁸ Bisa nan hasi bon, bira riku na bon obra, sea generoso i kla pa mustra amabilidat.

1 Timoteo 6:18 Referans Kwoze

Hebreonan 13:16

Kòrda hasi bon i kompartí loke boso tin ku otro hende; pasobra esakinan ta e sakrifisionan ku ta agradá Dios.

1 Huan 3:17

Un hende ku ta poseé hopi kos di mundu i ta sera su kurason pa su ruman ku e ta mira den nesesidat, kon un hende asina por tin amor di Dios den dje?

Romanonan 12:8

si ta don pa kurashá, e kurashá; si ta don pa duna, e duna ku generosidat; si ta don pa guia, e guia ku zelo; si ta don pa mustra mizerikòrdia, e hasié ku legria.

Salmo 37:3

Konfia den SEÑOR, hasi bon, habitá tera i keda fiel.

Tito 3:8

Loke mi a papia ei ta konfiabel! P'esei mi ke pa bo keda ripití e kosnan ku mi a bisa bo, ya esnan ku a pone nan fe den Dios por fiha nan atenshon kompletamente riba hasimentu di bon obra. E kosnan akí ta bon i útil pa tur hende.

Tito 2:14

Ta Hesu-Kristu a entregá su bida pa nos pa por libra nos di tur maldat i purifiká nos, di manera ku nos por bira su mes pueblo, zeloso pa hasi bon obra.

Lukas 12:21

Hesus a terminá bisando: ‘Asin'akí ta pasa ku hende ku ta montoná rikesa, ma no ta riku den bista di Dios.’

Galatanan 6:10

P'esei antó, ki ora ku tin oportunidat, laga nos hasi bon pa tur hende, spesialmente pa nos rumannan den fe.

Romanonan 12:13

Kontribuí pa kubri nesesidat di e pueblo santu i praktiká hospitalidat.

1 Timoteo 5:10

Nan mester ta konosí komo hende ku ta hasi bon obra. Mester wak si nan a kria esnan ku a lanta serka nan bon, si nan a mustra hospitalidat, si nan a laba pia di esnan ku ta pertenesé na pueblo santu di Dios, si nan a yuda hende den problema, den un palabra, si nan a dediká nan mes na tur sorto di obra di karidat.

2 Korintionan 8:9

Boso mes sa ku nos Señor Hesu-Kristu, den su bondat, a bira pober pa boso ounke E tabata riku, ya boso por a bira riku pa medio di su pobresa!

2 Korintionan 8:12

Kaminda tin boluntat pa duna i hende duna segun su forsa, Dios ta aseptá e kontribushon. Dios no ta spera di niun hende pa e duna loke e no tin.

1 Korintionan 16:2

Riba djadumingu kada un di boso mester pone algu un banda segun boso forsa i ward'é pa ora mi yega, boso no tin nodi di kolektá sèn.

Isaías 58:7

Yuna di bèrdè ta: parti bo pan ku hende ku tin hamber, tuma hende pober i sin kas den bo kas, duna hende sunú paña pa nan bisti, no laga bo próhimo desampará.

Predikador 11:6

Sembra simia mainta i no sinta man krusá anochi, pasobra bo no sa nunka kua di e sembramentunan ta resultá mihó, e promé òf di dos, òf ku ta tur dos ta duna resultado.

Salmo 112:9

E ta parti ku man generoso pa esnan ku tin mester, e bon ku e ta hasi lo keda pa semper. Ku dignidat e ta hisa su kara na laria.

3 Huan 1:11

Kerido ruman, no sigui mal ehèmpel, sino sigui loke ta bon. Esun ku hasi bon ta pertenesé na Dios; esun ku hasi malu no a mira Dios nunka.

Hakobo 2:5

Mi rumannan stimá, skucha mi! Dios a skohe hende pober riba e mundu akí pa ta riku den fe i tuma parti na e reino ku El a primintí esnan ku ta stim'É.

Echonan 9:36

Na Yope tabata biba un disipel muhé ku yama Tabita, na griego ‘Dorkas’, loke ta nifiká ‘biná’. E tabata dediká su mes na hasi bon obra i yuda hende pober.

Isaías 32:8

Enkambio hende ku kurason noble, ta traha plannan noble so i ta promové tur loke noblesa ta enserá.

Predikador 3:12

Mi a ripará ku pa hende no tin nada mihó ku biba kontentu i hasi bon tanten bo ta na bida,

2 Krónikanan 24:16

Nan a der'é na Siudat di David serka e reinan, komo rekonosementu pa tur e bondat ku el a hasi pa Israel i pa Dios i pa su tèmpel.

1 Pedro 3:11

Laga nan hui for di kos malu, hasi bon, buska pas, trata di gan'é.

Echonan 11:29

E disipelnan a disidí di manda yudansa pa e rumannan ku tabata biba na Hudea; kada un a duna segun su forsa.

Echonan 10:38

i boso sa tambe kon e ora ei Dios a ungi Hesus di Nazarèt ku Spiritu Santu i a kolm'É ku poder. E tabata pasa hasi bon obra tur kaminda i kura esnan ku tabata bou di yugo di diabel, pasobra Dios tabata kunÉ.

Mateo 5:42

Esun ku pidi bo algu, dun'é i esun ku ke fia algu serka bo, fi'é.

Lukas 3:11

Huan a kontestá: ‘Esun ku tin dos paña, kompartí ku un ku no tin nada. Esun ku tin di kome, hasi meskos.’

Efesionan 4:28

Esun ku tabata hòrta, mester stòp di hòrta i kuminsá gana su pan honradamente pa asina e por yuda esnan ku ta den nesesidat.