1 Timoteo 5:17 - Papiamentu Bible 2013

¹⁷ E ansianonan ku ta guia iglesia bon, meresé dòbel honor, spesialmente esnan ku a tuma e trabou di prediká i duna siñansa.

Beibel na Papiamentu Koriente 2013

¹⁷ E ansianonan ku ta guia iglesia bon, meresé dòbel honor, spesialmente esnan ku a tuma e trabou di prediká i duna siñansa.

1 Timoteo 5:17 Referans Kwoze

Hebreonan 13:17

Obedesé boso lidernan i hasi loke nan bisa; nan ta kuida boso konstantemente, pasobra ta nan mester duna kuenta na Dios. Si boso obedesé nan, nan lo kumpli ku nan tarea ku plaser; pero si boso no obedesé nan, e tarea ta bira un peso pa nan, i esei no ta kumbiní boso.

Galatanan 6:6

Esun ku ta risibí instrukshon den palabra di Dios mester kompartí tur kos bon ku e ta poseé ku su instruktor.

Lukas 10:7

Keda den e kas ei i aseptá loke e hendenan ofresé boso pa kome i bebe, pasobra un trahadó meresé su suèldu. No move di kas pa kas.

Hebreonan 13:7

Kòrda riba boso lidernan ku a anunsiá boso e mensahe di Dios. Wak kon nan a biba i kon nan a muri, i tuma un ehèmpel di nan fe.

2 Timoteo 2:6

E kunukero, ku a kansa kurpa, tin derechi di haña e promé parti di kosecha.

Filipensenan 2:29

Ke men, risibié anto ku hopi legria komo ruman den Señor. Mustra rèspèt na hende manera e,

Romanonan 12:8

si ta don pa kurashá, e kurashá; si ta don pa duna, e duna ku generosidat; si ta don pa guia, e guia ku zelo; si ta don pa mustra mizerikòrdia, e hasié ku legria.

Echonan 28:10

Nan a rekompensá nos ku hopi regalo i ora nos tabata bai nabegá, nan a proveé nos loke nos tabatin mester pa e biahe.

2 Korintionan 6:1

Komo kolaboradó di Dios nos ta hasi un apelashon na boso pa no laga e grasia ku boso a haña di Dios resultá enbano.

Romanonan 16:12

Kumindá Trifena i Trifosa, ku ta traha den sirbishi di Señor i tambe Persis, nos ruman muhé stimá, ku a traha duru pa Señor.

Romanonan 15:27

Nan a hasié boluntariamente, ounke en realidat ta nan obligashon. Pasobra meskos ku e no hudiunan a haña un parti di e bendishonnan spiritual di e hudiunan, esnan no hudiu mester kompartí loke nan ta poseé ku esnan hudiu.

Filipensenan 4:3

Sí, abo tambe, kompañero berdadero den trabou, mi ta pidi bo pa yuda e muhénan akí. Pasobra nan a lucha huntu ku mi pa e bon notisia, huntu ku Klemente i mi otro kolaboradónan, ku tin nan nòmber skibí den e buki di bida.

1 Korintionan 16:16

Someté boso na liderazgo di hende asina i tur otro ku ta kompartí nan trabou i esfuerso.

Echonan 11:30

Nan a hasi manera nan a kumbiní i manda e sèn pa e ansianonan di iglesia pa medio di Barnabas i Saulo.

2 Reinan 2:9

Ora nan a kaba di krusa Elías a bisa Eliseo: ‘Bisa mi kiko bo ke pa mi hasi pa bo, promé ku Dios tuma mi for di bo.’ Eliseo a kontestá: ‘Laga mi haña dòbel porshon di bo donnan spiritual!’

2 Timoteo 4:2

prediká e palabra, insistí ku mester proklam'é na momento oportuno i inoportuno, ku tur pasenshi ku instrukshon ta eksigí, konvensé, koregí i kurashá hende.

1 Timoteo 4:16

Keda kuida bo mes i paga tinu na loke bo ta siña otro hende. Sigui hasi e kosnan ku mi a bisa bo akí, pasobra si bo hasi nan lo bo salba bo mes i esnan ku ta skucha bo.

1 Timoteo 3:5

Pasobra si un hòmber no sa kon manehá su kas di famia, ta kon e por kuida iglesia di Dios?

Filipensenan 2:16

segun ku boso ta ofresé nan e palabra di bida. Asina mi por ta orguyoso dia di Kristu su binida, ya e ora ei lo mi no a kore ni traha enbano.

Mateo 24:25

Mi a konta boso tur kos di antemano!

Hebreonan 13:24

Kumindá tur boso lidernan i henter e pueblo santu. E rumannan for di Italia ta kumindá boso.

1 Timoteo 4:10

P'esei mes nos ta mula kurpa i traha duru, pasobra nos a pone nos speransa den e Dios bibu, ku ta Salbador di tur hende, spesialmente di esnan ku ta kere den djE.

1 Korintionan 15:10

Pero danki na grasia di Dios mi ta e hende ku mi ta. E no a mustra mi su bondat enbano; al kontrario, mi a traha mas duru ku nan tur; no ami mes, pero Dios ku den su bondat a yuda mi.

Echonan 20:35

Den tur kos mi a mustra boso ku pa medio di e tipo di trabou duru akí nos mester yuda esnan ku ta suak i no lubidá e siguiente palabranan ku Señor Hesus mes a bisa: “Duna ta hasi hende mas felis ku risibí!” ’

Huan 4:38

Mi a manda boso kosechá loke boso no a traha duru p'e; boso ta benefisiá di otro hende su trabou.’

Lukas 12:42

Señor a kontest'é: ‘Ken anto lo ta e kriá fiel i sabí ku su shon ta pone na kabes di su kas, pa duna e otro kriánan nan kuminda na e ora adekuá?

Zakarías 9:12

Prezunan, tin speransa pa boso, bai Herusalèm bèk, e fòrti fuerte. Fo'i djawe Mi ta anunsiá: Mi ta bai rekompensá boso dòbel pa tur loke a pasa.

Yeremías 17:18

Laga mi persiguidónan keda brongosá, pero ami si nò; hinka teror den nan kurpa, no den esun di mi. Laga e dia di desgrasia bini pa nan; destruí nan mal destruí.

Yeremías 16:18

P'esei, pa kuminsá, lo Mi laga nan paga pisá pa nan pikánan i maldat, pasobra nan a profaná mi pais ku e diosnan sin bida ei, ku tantu Mi ta detestá. Nan a yena e pais, ku Mi a skohe pa Mi mes, yen di e diosnan repugnante ei.’

Isaías 40:2

‘Papia ku Herusalèm ku kariño i anunsi'é: “A yega un fin na bo tempu di sirbishi, bo debe na SEÑOR ta pagá, bo a risibí mas ku basta kastigu kaba pa tur bo faltanan.” ’

1 Timoteo 5:3

Sostené biuda ku a keda kompletamente nan so!

1 Timoteo 4:6

Si bo presentá e instrukshonnan akí na e rumannan, bo ta un bon sirbidó di Kristu-Hesus, alimentá pa e doktrina di nos fe i di e siñansa korekto ku bo ta sigui.

1 Korintionan 3:9

Nos ta kompañero den e trabou di Dios i boso ta Dios su kunuku. Boso ta e edifisio ku ta pertenesé na Dios.

1 Timoteo 4:14

No neglishá e don spiritual ku bo a haña dia e ansianonan di iglesia a pone man riba bo i bo a risibí un mensahe profétiko.

1 Timoteo 5:19

No pèrmití pa niun hende, ku no tin dos òf tres testigu na su banda, entregá un akusashon kontra di un ansiano.

Numbernan 18:31

Boso i boso famia mag kome nan unda ku boso ke, pasobra ta boso pago pa e trabou den tènt di enkuentro.

Deuteronomio 18:8

E ta risibí e mesun porshon di alimento ku e otronan sin tene kuenta ku loke e ta haña ku bendementu di propiedat di famia.