1 Timoteo 1:9 - Papiamentu Bible 2013

⁹ Kòrda ku Lei no ta pa hende ku ta biba bon, pero pa esnan ku ta rebelde, desobedesidu, ku ta biba sin Dios, pa pekadónan i hendenan ku ta despresiá i profaná tur loke ta sagrado, pa esnan ku ta mata nan tata i mama, pa asesino,

Beibel na Papiamentu Koriente 2013

⁹ Kòrda ku Lei no ta pa hende ku ta biba bon, pero pa esnan ku ta rebelde, desobedesidu, ku ta biba sin Dios, pa pekadónan i hendenan ku ta despresiá i profaná tur loke ta sagrado, pa esnan ku ta mata nan tata i mama, pa asesino,

1 Timoteo 1:9 Referans Kwoze

Galatanan 3:19

Pakiko Lei di Moises ta sirbi antó? El a bini pa hasi hende su desobediensia na Dios evidente; e tabata na vigor te ora esun ‘desendiente’ pa kende e promesa tabata destiná, a bini. Dios a duna Lei pa medio di angel i Moises a sirbi komo mediadó entre Dios i e pueblo.

1 Pedro 4:18

Manera Skritura ta bisa: ‘Si ta difísil pa hende hustu keda salbá, kiko ta para pa hende pekadó i malbado?’

Romanonan 5:20

A introdusí Lei pa piká oumentá, pero ora piká a oumentá Dios a mustra su grasia muchu mas tantu.

Galatanan 5:23

humildat i dominio propio. E kosnan ei no ta bai kontra ningun lei.

Tito 3:3

Pasobra un tempu nos mes tambe tabata insensato i desobedesidu. Nos tabata engañá i tabata katibu di diferente pashon i plaser. Nos tabata biba ku malisia i envidia; hende tabata odia nos i nos mes tabatin rabia riba otro.

Romanonan 6:14

E ora ei piká lo no dominá boso, pasobra boso no ta sometí mas na Lei di Moises, pero na grasia.

Romanonan 1:30

Nan ta hende ku ta kalumniá, hende insolente ku Dios ta odia, hende arogante, bromadó, tramadó di maldat i desobedesidu na nan mayornan.

Revelashon 22:15

Hende perverso, hasidó di bruha, parandero, asesino, sirbidó di dios falsu, tur hende ku gusta gaña i praktiká engaño, ta keda afó.

Revelashon 21:8

Pero destino di e kobardenan, infielnan, perversonan, asesinonan, paranderonan, hasidónan di bruha, sirbidónan di dios falsu i tur gañadó, ta den e lago di kandela i suafel ku ta kima. Esaki ta di dos morto.’

Tito 1:16

Nan ta deklará ku boka ku nan konosé Dios, pero loke nan ta hasi ta mustra lo kontrario. Nan ta hende ku den bista di Dios ta detestabel, hende rebelde ku no ta sirbi pa hasi niun bon obra.

1 Pedro 3:20

Tabata e spiritunan di esnan ku no a obedesé Dios ora E tabata warda ku pasenshi tempu Noe a traha e arka. Ta mashá poko hende, ocho en total, a haña salbashon pa medio di awa.

Hebreonan 11:31

Pasobra e prostituta Rahab tabatin fe, el a risibí e spiònnan kariñosamente i e no a muri huntu ku esnan ku tabata desobedesidu na Dios.

2 Tesalonisensenan 2:8

Ora esei sosodé, e hòmber ku ta personifikashon di maldat lo sali bini dilanti. Anto ora Hesus aparesé den su splendor, lo E destruyé ku su rosea i derot'é kompletamente.

Romanonan 4:13

Dios a primintí Abraham i su desendientenan ku nan lo haña mundu komo propiedat. Pero e promesa ei no tabata mará na kumplimentu ku Lei di Moises, pero na e echo ku Dios ta aseptá hende, basta nan kere den djE.

Mateo 10:21

Un ruman lo entregá otro ruman na outoridat pa nan mat'é. Tata lo hasi meskos ku nan yu. Yu lo rebeldiá kontra nan mayornan i laga mata nan.

Ezekiel 21:25

I abo, lider di Israel, kriminal malbado! E dia ku ta kastigá bo krímennan, ta aserká.’

Yeremías 23:11

Ni profeta ni saserdote no tin kunes ku Mi; te asta den mi tèmpel Mi ta mira nan hasi malu ketu bai.

Proverbionan 30:17

Rafnan di den vaye lo pik wowo di esun ku ta wak un tata ku despresio, ku ta nenga di obedesé un mama, i makuaku lo kome nan.

Proverbionan 30:11

Tin esnan ku ta maldishoná nan tata, i ku no ta bendishoná nan mama,

Proverbionan 28:24

Es ku hòrta su tata òf su mama, i bisa: ‘N' ta nada’, ta kompinchi di esun ku ta destruí.

Proverbionan 28:17

Es ku tin un morto riba su konsenshi, ta keda hui te dia e muri; no laga niun hende kere ku nan por kita efekto di Dios su kastigu.

Proverbionan 20:20

Si bo despresiá bo tata i bo mama, bo ta muri un morto hororoso.

2 Krónikanan 32:21

E ora ei SEÑOR a manda un angel ku a destruí henter e ehérsito di rei di Asiria ku su komandantenan i òfisirnan. Yen di bèrgwensa rei di Asiria a bai su pais bèk. Un dia ora el a drenta tèmpel di su dios, su mes yu hòmbernan a hink'é mata.

2 Reinan 19:37

Un dia ku Sanherib tabata na rudia den tèmpel ta adorá su dios Nisrok, su yu hòmbernan Adramelèk i Saresèr a hink'é mata. Nan a logra hui bai e pais Ararat. Su yu Esar-Hadon a bira rei na su lugá.

2 Samuel 16:11

Tambe David a bisa Abishai i tur su sirbidónan: ‘Wak, si mi mes yu ta buska mi pa mata, kiko otro nos por spera di un hende di tribu di Benhamin? Lag'é maldishoná mi numa, pasobra ta SEÑOR a mand'é.

Deuteronomio 27:16

Maldishoná ta esun ku despresiá su tata òf su mama. I henter pueblo mester bisa: Amèn!

Levítiko 20:9

Si un hende maldishoná su tata òf su mama, mata mester mat'é. E mes ta responsabel pa su morto, pasobra el a maldishoná un di su mayornan.

Éksodo 21:14

Si un hende mata su próhimo ku un triki i intenshonalmente, ni na mi altá e no por haña protekshon; kit'é fo'i djei i mat'é.

Éksodo 20:13

No mata.

1 Pedro 2:7

P'esei e piedra akí ta di gran balor pa esnan ku ta kere, pero pa boso ku no ta kere e siguiente troso ta konta: ‘E piedra ku e trahadónan a rechasá t'é a bira piedra prinsipal.’

Hebreonan 12:16

Tene kuidou pa niun hende no kometé inmoralidat seksual ni ta indiferente pa kosnan sagrado, manera Esou, ku pa un solo kuminda a bende su derechonan di yu mayó.

Galatanan 5:21

Nan ta hende yalurs, buraché, parandero i otro kos semehante. Mi ta atvertí boso manera mi a hasi un bia kaba: esnan ku komportá nan asina lo no tin parti den reino di Dios.

Galatanan 5:18

Pero si ta su Spiritu ta guia boso, boso lo no ta someté na Lei.

1 Timoteo 4:7

Pero keda leu di e leyendanan malisioso ku no ta nada mas ku blablamentu. Trein bo mes pa hiba un bida dediká,

1 Timoteo 6:20

Timoteo, kuida bon loke a keda konfiá na bo! Alehá bo di tur argumentashon baho i bashí i di tur argumento kontrali ku por sali for di e asina yamá konosementu berdadero!

2 Timoteo 2:16

Evitá kòmbersashon profano i bashí, pasobra esnan ku hiba tipo di kòmbersashon asina, lo sigui alehá mas i mas di Dios.

2 Timoteo 3:2

pasobra hende lo stima nan mes mas ku tur kos. Nan lo ta golos pa plaka, bromadó i arogante; nan lo blasfemá Dios, desobedesé nan mayornan i nan lo ta malagradesido. Nan lo no respetá loke ta di Dios;

Tito 1:6

Un ansiano mester ta ireprochabel. E mester ta fiel na su kasá i su yunan mester ta kreyente; e yunan no mester karga nòmber di ta hende ku ta biba un bida parotin òf di ta indisipliná.

Tito 1:10

Pasobra tin hopi, spesialmente e hudiunan ku a bira kristian, ku ta rebeldiá kontra outoridat den iglesia, kana papia kos di loko i despistá otro hende.

Hudas 1:15

E ta bini pa dikta sentensia riba tur hende i kondená tur ku a kometé akto malbado, tur ku komo hende ku no ta tene kuenta ku Dios, a papia palabra insolente kontra djE.’