1 Tesalonisensenan 4:4 - Papiamentu Bible 2013

⁴ Kada un di boso mester sa kon dominá su mes kurpa na un manera santu i honorabel.

Beibel na Papiamentu Koriente 2013

⁴ Kada un di boso mester sa kon dominá su mes kurpa na un manera santu i honorabel.

1 Tesalonisensenan 4:4 Referans Kwoze

1 Korintionan 7:9

Pero si nan no por dominá nan mes, laga nan kasa numa! Mihó kasa ku kima di pashon!

Romanonan 12:1

P'esei antó, rumannan, ya ku Dios ta mizerikordioso, mi ta roga boso pa ofresé boso mes komo sakrifisio bibu, santu i agradabel n'E. Esei ta e manera apropiá pa sirbi Dios.

1 Pedro 3:7

Meskos asina boso ku ta esposo mester biba huntu ku boso esposa, den sabiduria; nan ta pertenesé na e sekso mas débil. Trata nan ku rèspèt, pasobra nan tambe, huntu ku boso, lo tuma parti na grasia di e bida nobo ku Dios ke duna. Hasi esaki di moda ku nada no ta stroba boso orashonnan.

Hebreonan 13:4

Tur hende respetá matrimonio, i esposo i esposa keda fiel na otro. Pasobra Dios lo husga esnan ku ta praktiká inmoralidat seksual i ta kometé adulterio.

1 Korintionan 6:15

Boso sa ku boso kurpa ta parti di kurpa di Kristu. Awor lo mi kohe parti di Kristu su kurpa i hasié parti di un muhé di bida? Imposibel!

1 Korintionan 7:2

Ma ami ta bisa: Komo tin tantu inmoralidat, kada hòmber mester tin su mes esposa i kada muhé su mes esposo.

Filipensenan 4:8

Pa konkluí, rumannan: pensa riba tur loke ta berdadero i noble, hustu i puru, agradabel i honorabel. Si tin kiko ku ta, ku ta bon i ku ta digno di alabansa, pensa riba eseinan.

Romanonan 6:19

Komo mi ta papia ku hende débil, mi ta hasié for di punto di bista humano. Si ántes boso a entregá boso kurpa pa sirbi impuresa i maldat, i asina boso a kai den mas maldat, entregá awor kada parti di boso kurpa pa hasi hustisia. Esei ta hiba na un bida santu.

Romanonan 1:24

P'esei Dios a entregá nan na e porkerianan ku nan kurason ta deseá, esta na e kosnan bergonsoso ku nan un ta hasi ku otro.

Echonan 9:15

E ora ei Señor a bis'é: ‘Bai, pasobra Mi a skohe e hòmber akí pa testiguá di mi nòmber na esnan ku no ta hudiu, na nan reinan i na pueblo di Israel.

2 Korintionan 4:7

Pero nos ku tin e tesoro spiritual akí, ta manera pòchinan di klei frágil, ya asina ta sali na kla ku e poder supremo ei ta bini di Dios i no di nos.

1 Samuel 21:5

David a rospondé e saserdote: ‘Manera semper ora nos sali bai bringa, nos tabata alehá di hende muhé. I ounke aki ta trata di un biahe normal, e hòmbernan tabata limpi for di ora nos a sali. Kòrda awor!’