1 Tesalonisensenan 2:18 - Papiamentu Bible 2013

¹⁸ P'esei mes nos a plania pa bini serka boso atrobe. Ami mes a purba bini diferente bia, pero satanas a stroba nos.

Beibel na Papiamentu Koriente 2013

¹⁸ P'esei mes nos a plania pa bini serka boso atrobe. Ami mes a purba bini diferente bia, pero satanas a stroba nos.

1 Tesalonisensenan 2:18 Referans Kwoze

Romanonan 15:22

Anto ta e tarea akí mes a stroba mi diferente bia di bishitá boso.

Romanonan 1:13

Rumannan, mi ke pa boso sa ku hopi be mi a traha plan pa bin bishitá boso, pero te awor semper mi a haña mi strobá. Tòg mi ke haña un kosecha spiritual serka boso manera mi a haña serka e otro pueblonan no hudiu.

Revelashon 2:10

No tene miedu di e sufrimentu ku ta warda boso. Tende, diabel lo pone algun di boso den prizòn, pa pone boso na prueba. Lo oprimí boso dies dia largu. Pero sea fiel te na morto, e ora ei lo Mi duna boso bida komo rekompensa.

Job 33:14

Dios ta rospondé na mas ku un manera, pero niun hende no ta hasi kaso.

Mateo 4:10

Hesus a kontest'é: ‘Kita for di mi bista, satanas! Pasobra Skritura ta bisa: “Señor, bo Dios, so bo mester adorá i t'E so bo mester sirbi.” ’

Kolosensenan 4:18

Ami mes ta skibi loke ta sigui: Ami, Pablo, ta manda kumindamentu! Kòrda ku mi ta prizonero. Dios su grasia sea ku boso.

Filemon 1:9

tòg mi ta preferá di hasi un petishon na bo a base di amor. I mi ta hasi e petishon ei komo Pablo, un hòmber bieu kaba i asta prezu awor akí pa kousa di Kristu-Hesus.

Filipensenan 4:16

Asta tempu ku mi tabata na Tesalónika, boso a yega di manda yudansa mas ku un bia, pa kubri mi nesesidatnan.

2 Tesalonisensenan 3:17

Awor ta mi mes ta skibi esaki: Kumindamentu di Pablo! Ta asin'akí mi ta firma tur mi kartanan; ta asin'akí mi ta skibi.

1 Korintionan 16:21

Awor ta mi mes ta skibi e pida ku ta sigui akí: Kumindamentu di Pablo!