1 Samuel 25:22 - Papiamentu Bible 2013

²² Dios kastigá mi mal kastigá, si promé ku mañan mi no a mata tur e machunan ku ta biba serka dje.’

Beibel na Papiamentu Koriente 2013

²² Dios kastigá mi mal kastigá, si promé ku mañan mi no a mata tur e machunan ku ta biba serka dje.’

1 Samuel 25:22 Referans Kwoze

1 Reinan 14:10

Wèl, p'esei lo Mi manda desgrasia riba kas real di Yerobeam. Lo Mi kaba ku tur e machunan den bo famia, sin hasi eksepshon; lo Mi bari e kas real di Yerobeam manera ta bari sushi, te ora no sobra nada mas.

1 Samuel 20:13

pero si mi tata ke hasi bo daño, Dios kastigá mi mal kastigá, si mi no avisá bo i yuda bo hui. Mara Dios ta ku bo e ora ei, manera E tabata ku mi tata.

1 Samuel 3:17

Eli a puntr'é: ‘Kiko SEÑOR a bisa bo? Hasi mi un fabor, no skonde nada pa mi. Dios kastigá bo mal kastigá si bo skonde algu pa mi di tur loke El a bisa bo.’

1 Reinan 21:21

P'esei SEÑOR ta bisa: “Lo Mi manda un desaster riba bo. Lo Mi bari bo, Ahab, for di riba mundu i kaba ku tur bo desendiente hòmbernan, sin ningun eksepshon.

2 Reinan 9:8

Kas real di Ahab lo ta destruí por kompleto, lo Mi kaba ku tur e machunan den famia di Ahab, na Israel, sin hasi niun eksepshon.

1 Reinan 16:11

E no a kaba di bira rei subi trono, ku el a mata tur miembro di famia di Basha. E no a laga ningun miembro di e famia keda na bida. Tambe el a mata e famianan mas yegá i e amigunan di Basha.

1 Samuel 20:16

Despues di esei Yonatan a sera un pakto ku famia di David ku e palabranan akí: ‘SEÑOR pidi abo i bo enemigunan kuenta i rason!’

1 Samuel 14:44

Saul a grita: ‘Dios kastigá mi mal kastigá, si abo, Yonatan, no muri.’

Ruth 1:17

Kaminda bo muri lo mi muri i ei mi ke ta derá. Si mi no keda ku bo te na morto, Dios kastigá mi.’