1 Samuel 1:23 - Papiamentu Bible 2013

²³ Su kasá Elkana a kontest'é: ‘Hasi manera bo ta haña ta bon, keda kas te ora bo deskustumbr'é di bebe pechu; SEÑOR a kumpli ku su promesa kaba.’ Asina Hana a keda kas i el a kria su yu te dia el a kit'é lechi.

Beibel na Papiamentu Koriente 2013

²³ Su kasá Elkana a kontest'é: ‘Hasi manera bo ta haña ta bon, keda kas te ora bo deskustumbr'é di bebe pechu; SEÑOR a kumpli ku su promesa kaba.’ Asina Hana a keda kas i el a kria su yu te dia el a kit'é lechi.

1 Samuel 1:23 Referans Kwoze

2 Samuel 7:25

Awor anto, SEÑOR Dios, atené Bo semper na loke Bo a primintí bo sirbidó i su kas real i kumpli ku bo promesa.

Lukas 11:27

Miéntras Hesus tabata papia e kosnan ei, un muhé den e multitut a alsa bos i grita: ‘Felis ta e muhé ku a karga Bo den su barika i ku a duna Bo lechi.’

Mateo 24:19

Ai di e muhénan na estado i di e mamanan ku tin yu na lechi den e dianan ei!

Isaías 44:26

Pero loke un sirbidor di djE proklamá te awe semper El a laga sosodé i loke su mensaheronan anunsiá, esei E ta kumpli kuné. T'E a bisa di Herusalèm: ‘Hende ta bolbe bin biba aki; Mi ta drecha su ruinanan,’ i di siudatnan di Huda: ‘Mi ta lanta nan atrobe.’

Salmo 22:9

For di barika di mi mama Bo a fangu mi, pone mi trankil na su pechu;

1 Samuel 1:17

‘Bai na pas,’ Eli a kontest'é, ‘Dios di Israel duna bo loke bo a pidiÉ.’

Numbernan 30:12

Pero si su esposo deklará nan inbálido, ora e tende di nan, su promesanan òf huramentu ta bira inbálido. SEÑOR no ta eksigí di e muhé p'e kumpli, komo su esposo a deklará nan inbálido.

1 Samuel 14:36

Despues Saul a proponé: ‘Ban baha den vaye awe nochi i persiguí e filisteonan. Nos ta keda hòrta nan kosnan te ora di dia habri i nos no ta laga niun di nan bibu.’ Tur a rospondé: ‘Hasi loke bo ta haña ta bon.’ Pero e saserdote a bisa: ‘Laga nos konsultá Dios aki promé.’

1 Samuel 14:40

P'esei Saul a bisa tur e israelitanan: ‘Boso tur para na e banda akí i ami ku mi yu Yonatan ta para na e otro un banda.’ Nan a kontestá: ‘Hasi loke bo ta haña ta bon.’

1 Reinan 3:21

Mainta ora mi a lanta pa duna mi yu pechu, mi a ripará ku e tabata morto. Pero ora di dia a habri mi a wak e bon i mi a ripará ku no ta e yu ku mi a haña.’