1 Reinan 9:27 - Papiamentu Bible 2013

²⁷ Hiram a manda su hendenan, ku tabata konosé laman hopi bon, riba e barkunan pa nan traha huntu ku esnan di Salomon.

Beibel na Papiamentu Koriente 2013

²⁷ Hiram a manda su hendenan, ku tabata konosé laman hopi bon, riba e barkunan pa nan traha huntu ku esnan di Salomon.

1 Reinan 9:27 Referans Kwoze

1 Reinan 10:11

Ademas e barkunan di Hiram, ku a trese oro for di Ofir, tambe a trese palu di sándalo na gran kantidat i piedranan presioso.

1 Reinan 5:9

Mi trahadónan lo baha e palunan di Libanon te na laman, ei mi mes lo laga traha vlòt ku nan i transportá nan te na e lugá ku bo indiká. Na e lugá ei ta lòs nan for di otro i bo por rekohé nan. Pa loke ta toka abo, kumpli ku mi deseo i manda provishon na mi palasio.’

1 Reinan 5:6

P'esei laga kap sedernan di Libanon pa mi. Mi trahadónan lo yuda esnan di bo. Mi ta paga bo e suèldu ku bo pidi pa bo trahadónan, pasobra bo mes sa ku ningun di nos aki banda no por kap palu bon manera e hendenan di Sidon.’

1 Reinan 22:49

E ora ei Ahazías, yu di Ahab, a bisa Yoshafat: ‘Laga mi sirbidónan subi barku huntu ku esnan di bo.’ Pero Yoshafat a nenga.

1 Reinan 9:26

Tambe rei Salomon a laga traha un kantidat di barku na Esion-Gèbèr, serka di Elat, kantu di Laman Kòrá den e teritorio di Edom.

Ezekiel 27:8

Bo remadónan tabata bini for di Sidon i Arwad; bo mes nabegantenan ku eksperensia, Tiro, tabata na bordo.