1 Reinan 8:63 - Papiamentu Bible 2013

⁶³ Salomon a ofresé SEÑOR komo sakrifisio di pas 22.000 baka i 120.000 karné i kabritu. Di e manera akí rei i tur e israelitanan a konsagrá tèmpel di SEÑOR.

Beibel na Papiamentu Koriente 2013

⁶³ Salomon a ofresé SEÑOR komo sakrifisio di pas 22.000 baka i 120.000 karné i kabritu. Di e manera akí rei i tur e israelitanan a konsagrá tèmpel di SEÑOR.

1 Reinan 8:63 Referans Kwoze

Nehemías 12:27

Ora e momento a yega pa konsagrá muraya di Herusalèm, nan a yama tur levita for di nan lugá di biba, pa bin selebrá e konsagrashon ku kantika i alabansa, kompañá pa muzik di platío, arpa i lira.

2 Krónikanan 15:11

For di e botin ku nan a poderá di dje, nan a tuma 700 baka i 7000 karné i kabritu i a ofresé nan na SEÑOR.

Huan 10:22

Tabata wenter i nan tabata selebrá fiesta di purifikashon di tèmpel na Herusalèm.

Mikéas 6:7

SEÑOR lo keda satisfecho ku mil chubat'i karné, o ku riu di zeta di oleifi? Mi mester entregá mi yu hòmber mayó, sanger di mi sanger, pa purga mi mes piká?

Ezekiel 45:17

Pero e gobernante di su parti ta obligá di sòru riba dianan di fiesta, dia di Luna nobo i sabat, den un palabra: na tur seremonia di Israel, pa sakrifisionan di kandela, ofrendanan vegetal i ofrendanan di biña. E mester sòru tambe pa e sakrifisionan pa pordon di piká, ofrendanan vegetal, sakrifisionan di kandela i sakrifisionan di pas, ku ta drecha tur kos entre Dios ku e pueblo.’

2 Krónikanan 30:24

pasobra rei Ezekías di Huda a pone mil toro i shete mil karné na disposishon di e pueblo ku a bini huntu. Ademas di esei e funshonarionan altu tambe a duna mil toro i dies mil karné. Awor e saserdotenan tambe a purifiká nan mes na gran kantidat.

2 Krónikanan 7:5

Rei Salomon a ofresé 22.000 baka i 120.000 karné i kabritu komo sakrifisio. Di e manera ei rei i henter pueblo a konsagrá tèmpel di Dios.

2 Krónikanan 2:4

Mi tin idea di traha un tèmpel, e mester ta konsagrá na SEÑOR, mi Dios. Aya nos mester kima sensia di holó dushi p'E i sòru pa semper e pan konsagrá ta kla poné. Tur mainta i tur anochi nos mester ofres'É sakrifisio di kandela, spesialmente riba dia di sabat, riba fiesta di Luna Nobo i riba e otro dianan di fiesta di SEÑOR, nos Dios. Komo israelita esaki ta nos obligashon.

1 Krónikanan 29:21

E dia siguiente nan a mata mil toro, mil chubat'i karné i mil karné i a ofresé nan komo sakrifisio di kandela na Dios huntu ku ofrenda di biña i otro sakrifisio na gran kantidat pa henter Israel.

2 Krónikanan 7:4

Despues rei i henter pueblo a ofresé sakrifisionan na SEÑOR.

Esdras 6:15

E tèmpel a keda kla riba e di tres dia di luna di Adar den e di seis aña di gobernashon di rei Dario.

Ezekiel 36:38

E siudatnan ku ta ruina awor akí, lo ta yen di hende, manera un ten Herusalèm tabata riba dianan di fiesta, yen di karné pa e sakrifisionan. E ora ei nan lo rekonosé ku t'Ami ta SEÑOR.’

Salmo 30:1

Mi ke alsa Bo, SEÑOR, ku a hala mi ariba, Bo no a duna mi enemigunan gustu riba mi.