1 Reinan 4:25 - Papiamentu Bible 2013

²⁵ Tanten Salomon tabata na bida, e habitantenan di Huda i Israel for di Dan den nort te na Beer-Shèba den zùit, por a sinta trankil bou di nan matanan di wendrùif i bou di nan palunan di figo.

Beibel na Papiamentu Koriente 2013

²⁵ Tanten Salomon tabata na bida, e habitantenan di Huda i Israel for di Dan den nort te na Beer-Shèba den zùit, por a sinta trankil bou di nan matanan di wendrùif i bou di nan palunan di figo.

1 Reinan 4:25 Referans Kwoze

Mikéas 4:4

Pero kada ken lo sinta trankil bou di palu di wendrùif i di figo, sin niun hende spanta nan, pasobra t'esei SEÑOR soberano a bisa.

Zakarías 3:10

Esaki Ami, SEÑOR soberano, ta sigurá boso: Ora e dia ei yega, boso ta kombidá otro atrobe pa sinta na pas i trankilidat bou di palu di wendrùif i figo.” ’

2 Reinan 18:31

No bai su tras, pasobra rei di Asiria ta bisa: “Si boso rekonosé mi komo rei i entregá boso mes na mi, tur hende lo por kome fruta di su mes mata di wendrùif i di su mes palu di figo i tur hende lo por bebe awa di su mes pos.

Huesnan 20:1

Despues tur israelita di Dan, na parti nort, te Beer-Shèba, na parti zùit, i tambe di pais Guilead, a sali manera ta ún solo hòmber nan tabata, pa bai reuní serka SEÑOR na Mispa.

Ezekiel 38:11

Bo ta pensa den bo mes: “Mi ta bai ranka sali kontra un pais sin defensa, kaminda e hendenan ta biba seif i sin preokupashon, den siudatnan sin muraya òf ku portanan irèndu.

Isaías 60:18

Den bo pais hende no ta papia mas di violensia, ni di ruina i destrukshon denter di bo fronteranan. Nò, bo por yama bo murayanan Salbashon, bo portanan Alabansa na Dios.

2 Samuel 24:15

Asina a sosodé ku SEÑOR a manda pèster riba Israel, for di e mes mainta ei te e ora ku SEÑOR mes a indiká. For di Dan den nort te Beer-Shèba den zùit a muri 70.000 hende di e poblashon.

2 Samuel 17:11

P'esei mi ta konsehá bo un otro kos: reuní henter Israel for di Dan na nort te Beer-Shèba na zùit rònt di bo, un multitut di hende numeroso manera santu di laman; bo tambe bringa den nan bataya.

1 Samuel 3:20

I henter Israel di Dan den nort te Beer-Shèba den zùit, a rekonosé ku Samuel tabata un berdadero profeta di SEÑOR.

1 Krónikanan 22:9

P'esei Mi ta duna bo un yu hòmber ku lo trese pas den pais. Pasobra lo Mi perkurá pa tur e enemigunan ku ta rondon'é lag'é na pas. Pa e motibu ei lo e yama Salomon, pas. Mientrastantu e ta na mando lo tin pas i seguridat na Israel.

Isaías 36:16

No bai su tras, pasobra rei di Asiria ta bisa: “Si boso rekonosé mi komo rei i entregá boso na mi, tur hende lo por kome fruta di su mes mata di wendrùif i di su mes palu di figo i tur hende lo por bebe awa di su mes pos.

Ezekiel 39:26

Nan lo lubidá e chèrchè ku a hasi di nan i e konsekuensianan di nan infidelidat, ora nan ta bibando seif atrobe den nan pais sin ku ningun hende spanta nan.