1 Reinan 3:28 - Papiamentu Bible 2013

²⁸ Henter Israel a tende di e sentensia ku rei a duna pa solushoná e pleitu i nan a haña rèspèt di dje, pasobra nan a mira ku Dios a dun'é sabiduria pa e husga ku hustisia.

Beibel na Papiamentu Koriente 2013

²⁸ Henter Israel a tende di e sentensia ku rei a duna pa solushoná e pleitu i nan a haña rèspèt di dje, pasobra nan a mira ku Dios a dun'é sabiduria pa e husga ku hustisia.

1 Reinan 3:28 Referans Kwoze

Kolosensenan 2:3

Anto den Kristu tur e tesoronan di sabiduria i konosementu ta skondí.

Daniel 2:47

El a bisa Daniel: ‘Enberdat, bo Dios ta Dios riba tur dios i rei riba tur rei i E ta revelá loke ta skondí. Ta p'esei bo por a splika e soño akí.’

1 Korintionan 1:24

Ma pa esnan ku Dios a yama, sea hudiu òf no hudiu, e Mesias ei ta poder i sabiduria di Dios!

Daniel 2:21

E ta maestro di tempu i di historia. E ta pone reinan riba trono i ta baha nan atrobe. E ta duna hende sabí sabiduria i hende inteligente inteligensia.

Predikador 7:19

Pa motibu di su sabiduria un hende sabí ta mas fuerte pará ku dies gobernante poderoso.

Proverbionan 24:21

Mi yu, tene rèspèt di SEÑOR i di rei; no anda ku agitadó.

Esdras 7:25

I abo, Esdras, ku e sabiduria ku Dios a duna bo, nombra hues i gobernante. Nan mester praktiká hustisia den henter pueblo di e provinsia parti wèst di riu Eufrat, esta pa tur esnan ku konosé lei di bo Dios. I esnan ku no konosé lei, bo mester siña nan konos'é.

1 Korintionan 1:30

Pero pa medio di Dios boso ta den Kristu, kende a bira nos sabiduria, nos hustisia, santidat i liberashon.

Daniel 5:11

Tin un persona den bo reino ku tin spiritu di diosnan santu den dje. Tempu ku su mahestat su tata tabata na bida, nan a deskubrí ku e persona akí ta un hende iluminá, ku konosementu i yená ku e sabiduria ku diosnan tin. Su mahestat su tata, Nebukadnèsar, a nombr'é hefe di miradónan di destino, di eksorsistanan, di magonan i di astrólogonan.

Salmo 72:2

lag'é guia bo pueblo ku hustisia i parti derecho pa bo pobernan.

1 Krónikanan 29:24

Tur e lidernan i e sòldánan mas balente i tur e yu hòmbernan di rei David tambe a primintí ku nan ta keda fiel n'e.

1 Samuel 12:18

Samuel a roga SEÑOR i mes dia SEÑOR a manda bos i áwaseru; henter pueblo a haña mashá miedu e ora ei di SEÑOR i di Samuel.

Yozue 4:14

E dia ei SEÑOR a pone tur israelita atmirá i respetá Yozue, meskos ku nan a respetá Moises henter su bida largu.

Éksodo 14:31

Ora Israel a weta kon SEÑOR a mustra su gran poder kontra e egipsionan, nan tabata yen di rèspèt p'E i yen di konfiansa den djE i den su sirbidó Moises.

Salmo 72:4

L'e sali pa pobernan di pueblo, l'e salba yunan di esnan ku tin mester i lo kaba ku tur ku t'eksplotá nan.

Kolosensenan 2:2

Mi ta hasi esei pa nan haña kurashi i keda íntimamente uní den amor. Asina nan por risibí komprondementu profundo i kompleto, ku ta hiba nan na konosementu di e plan skondí di Dios, ku ta Kristu mes.

1 Reinan 3:27

E ora ei rei a intermediá i a duna òrdu: ‘No mata e yu, entreg'é na e muhé aya, pasobra ta e ta e mama.’

1 Reinan 4:1

Salomon tabata rei di henter Israel.

Proverbionan 16:10

Rei ta papia komo representante di Dios, e n' ta dikta sentensia inhustu.

Isaías 28:6

Lo E duna huesnan sentido di hustisia, i esnan ku tin ku resistí atake enemigu na porta di siudat, kurashi.

Daniel 1:17

Dios a duna e kuater hóbennan akí inteligensia, konosementu di tur sorto di literatura i tambe hopi sabiduria. Ademas Daniel tabatin e don pa komprondé tur sorto di vishon i soño.

1 Reinan 10:9

Alabá sea SEÑOR, bo Dios; bo a kai asina tantu na su agrado, ku El a pone bo riba trono di Israel! Pasobra SEÑOR semper a stima Israel, El a hasi bo rei pa bo mantené derecho i hustisia.’

Proverbionan 8:15

Si no ta p'ami reinan no por goberná i gobernantenan no por determiná loke ta hustu.

Proverbionan 25:2

Nos ta keda boka habrí ora nos mira kon Dios sa di skonde su kamindanan. Nos ta keda babuká ora nos mira kon rei sa di trese kosnan importante na klaridat.