1 Reinan 3:14 - Papiamentu Bible 2013

¹⁴ I, si bo sigui mi kamindanan i kumpli ku mi leinan i mandamentunan, manera bo tata David a hasi, lo Mi duna bo un bida largu.’

Beibel na Papiamentu Koriente 2013

¹⁴ I, si bo sigui mi kamindanan i kumpli ku mi leinan i mandamentunan, manera bo tata David a hasi, lo Mi duna bo un bida largu.’

1 Reinan 3:14 Referans Kwoze

Proverbionan 3:2

E ora ei lo bo tin un bida dushi, un bida largu i felis.

Salmo 91:16

Mi ta pon'é disfrutá di un bida largu i lo lag'é kontemplá mi salbashon.’

Zakarías 3:7

‘SEÑOR soberano ta bisa lo siguiente: “Si bo kana den mi kaminda, kumpli ku e tarea ku Mi a duna bo i kuida mi tèmpel i tambe su plenchinan, e ora ei bo tin derecho di yega serka Mi, meskos ku e angelnan akí.

1 Reinan 15:5

pasobra semper David a hasi loke tabata drechi den bista di SEÑOR. Nunka den su bida David no a keda sin hasi loke SEÑOR a orden'é, ku eksepshon di e kaso di e hetita Urías.

Proverbionan 3:16

Ku man drechi e ta ofresé bida largu, ku man robes rikesa i honor.

2 Krónikanan 34:2

Yosías a hasi loke ta bon den bista di SEÑOR. Den tur kos el a sigui ehèmpel di su antepasado David, sin laga nada kit'é for di e bon kaminda.

1 Reinan 3:6

Salomon a kontestá: ‘Bo tabata trata David, mi tata, mashá bon, pasobra e tabata sigui Bo fielmente. E tabata semper honrado i sinsero di kurason ku Bo. P'esei Bo a mustr'é bo gran bondat dor di laga un yu di dje sinta riba su trono, manera ta e kaso awor akí.

Echonan 13:22

Despues di a kita Saul, El a pone David komo nan rei. Esaki ta loke Dios a testiguá na fabor di David: “Mi a haña David, yu di Ishai. E ta un hòmber na mi agrado, un ku lo ehekutá tur loke Ami ke.”

Salmo 132:12

Si bo yunan warda mi Aliansa, e mandamentunan ku Mi ta siña nan, nan mes yunan tambe lo sinta riba e trono akí pa semper.’

Salmo 21:4

Ta bida el a pidi: ata B'a dun'é, un bida largu, un bida duradero!

1 Krónikanan 28:9

I abo, mi yu Salomon, rekonosé i stima e Dios di bo tata, sirbiÉ di henter bo alma i ku un kurason dispuesto, pasobra SEÑOR ta skrudiñá tur kurason i tur loke hende por pensa. Si bo busk'É, lo E laga bo hañ'É; pero si bo bandon'É, lo E rechasá bo pa semper.

Deuteronomio 5:16

Honra bo tata i bo mama, manera SEÑOR, bo Dios, a ordená bo, pa asina bo tin un bida largu i bai bo bon den e tera ku SEÑOR, bo Dios, ta duna bo.

1 Timoteo 4:8

pasobra entrenamentu físiko tin poko balor, pero un bida dediká na Dios tin hopi balor den tur sentido. Di un forma di biba asina bo por spera benefisio tantu den e bida akí komo den esun benidero.

2 Krónikanan 29:2

E tabata hasi loke ta bon den bista di SEÑOR, den tur kos el a sigui ehèmpel di su antepasado David.

1 Reinan 3:3

Salomon tabata mustra su amor pa SEÑOR dor di kumpli ku e reglanan di su tata David; sinembargo e tambe tabatin kustumber di ofresé sakrifisio i kima sensia riba e seritunan ei.

Deuteronomio 25:15

pero usa peso eksakto i kompleto pa boso biba hopi aña den e pais ku SEÑOR, boso Dios, ta bai duna boso.

Deuteronomio 5:33

Henter e kaminda ku SEÑOR, boso Dios, a mustra boso, boso mester sigui pa boso biba, pa bai boso bon i pa boso biba hopi tempu na e pais ku boso ta bai tuma pa boso.

1 Reinan 11:34

Sinembargo lo Mi no kita e reino for di dje mes; lo Mi manten'é komo rei tanten e ta na bida, pa kara di mi sirbidó David, ku Mi a skohe i ku a kumpli ku mi mandamentunan i mi leinan.

1 Krónikanan 28:7

Lo Mi laga su reino keda firme pa semper, si e aten'é na mi mandamentunan i mi reglanan, manera e ta hasi awor akí.”

Salmo 21:5

Su realse ta grandi ya ku Bo a proteg'é, Bo a bistié ku dignidat i splendor;