1 Reinan 21:3 - Papiamentu Bible 2013

³ Pero Nabot a kontestá Ahab: ‘Dios libra mi duna bo tera ku ta herensia di mi antepasadonan.’

Beibel na Papiamentu Koriente 2013

³ Pero Nabot a kontestá Ahab: ‘Dios libra mi duna bo tera ku ta herensia di mi antepasadonan.’

1 Reinan 21:3 Referans Kwoze

Numbernan 36:7

E pida tereno di esun tribu no mag pasa pa un otro tribu. Kada israelita mester sòru pa e pida tereno di famia keda den e mes tribu.

Levítiko 25:23

No por bende un tera nunka definitivamente, pasobra e tera ta pertenesé na Mi, i boso ta biba serka Mi manera strañero ku djis por hasi uso di e pais.

Ezekiel 46:18

E gobernante no mag kita tereno for di e pueblo ku violensia. E mester laga su yu hòmbernan heredá for di su mes propiedatnan, di manera ku no ta kore ku ningun hende di mi pueblo for di propiedat di su famia.’

Romanonan 6:15

Kon nos lo reakshoná awor? Nos lo sigui hasi piká, pasobra nos no ta sometí na Lei di Moises, pero na grasia? Apsolutamente ku nò!

Galatanan 6:14

Ami sí no ke broma ku nada otro ku no ta krus di nos Señor Hesu-Kristu. Pasobra pa motibu di loke El a hasi na krus, mundu a muri pa mi i ami ta morto pa mundu.

1 Korintionan 6:15

Boso sa ku boso kurpa ta parti di kurpa di Kristu. Awor lo mi kohe parti di Kristu su kurpa i hasié parti di un muhé di bida? Imposibel!

Romanonan 7:13

Kiko awor? Ta algu bon tabata mi morto? Apsolutamente ku nò! Al kontrario, piká a usa algu bon pa kousa mi morto i dje manera ei el a laga mira su kara. Asina tambe, pa medio di e mandamentu, a sali na kla kon ekstremadamente pekaminoso piká ta!

Romanonan 7:7

Ta bisa nos ke bisa anto ku Lei di Moises ta pekaminoso? Apsolutamente ku nò! Sinembargo ta Lei a siña mi kiko ta maldat. Por ehèmpel, lo mi no tabata sa kiko ta kudishá kos di otro hende, si no tabatin pará den Lei: ‘No deseá!’

Romanonan 6:2

Apsolutamente ku nò! Nos ta morto kaba enkuanto piká. Kon anto nos por sigui biba un bida di piká?

Romanonan 3:31

Ke men anto ku nos ta pone Lei di Moises un banda pa motibu di fe? Klaro ku nò! Al kontrario, nos ta duna Lei su berdadero balor.

Romanonan 3:6

Apsolutamente ku nò! Si Dios ta inhustu, kon E por husga mundu?

Romanonan 3:4

Apsolutamente ku nò! Dios semper ta honesto, ounke hende sí ta gaña. Manera Skritura ta bisa: Mester sali na kla ku loke Abo, Dios, bisa ta hustu; ora Bo ta dilanti di korte, lo Bo gana bo kaso!

Job 27:5

Mi n' pensa niun ratu so pa duna boso rason; mi ta keda insistí te na mi delaster rosea, ku mi ta inosente.

1 Krónikanan 11:19

El a bisa: ‘Dios warda mi di hasi un kos asina. Ta manera bebe sanger di e tres hòmbernan akí ku a riska nan bida pa trese e awa.’ P'esei e no ker a beb'é. Kosnan asina e tres balentenan akí tabata hasi.

1 Samuel 24:6

‘Dios warda mi di hasi un kos asina ku su mahestat, Dios su rei, di hisa man p'e. N' ta SEÑOR a konsagr'é rei?’

1 Samuel 12:23

Pa loke ta toka ami, Dios libra mi di keda sin resa pa boso. E ora ei lo mi hasi piká kontra SEÑOR. Al kontrario, lo mi sigui mustra boso e kaminda bon i règt.

Yozue 24:16

E ora ei e pueblo a kontestá: ‘Nos no ta ni pensa di bira lomba pa SEÑOR i sirbi otro dios.

Yozue 22:29

No ta nos intenshon di rebeldiá kontra SEÑOR ni di bira lomba awe p'E. Dios libra nos di traha un altá pa sakrifisio fuera di e altá pa SEÑOR, nos Dios, ku ta pará dilanti di su Tènt Sagrado.’

Génesis 44:17

Pero Jozef a bisa: ‘Nada di e kos ei. Solamente esun ku tabatin e kopa den su poder ta bira mi katibu. E otronan por bai kas trankil serka nan tata.’

Génesis 44:7

Pero nan a kontest'é: ‘Pakiko mi shon ta papia asina ku su sirbidónan? Hamas nos por a hasi un kos asina!

Numbernan 36:9

Pasobra e pida tereno di esun tribu no mag pasa pa un otro tribu. Kada tribu mester tene su pida tereno huntu.’