1 Reinan 17:20 - Papiamentu Bible 2013

²⁰ E ora ei el a sklama na SEÑOR: ‘SEÑOR, mi Dios, di bèrdè mes Bo ke laga un desaster pasa ku e biuda akí, i di bèrdè mes Bo ke kita su úniko yu for di dje, nèt e ku a tuma mi serka dje den kas?’

Beibel na Papiamentu Koriente 2013

²⁰ E ora ei el a sklama na SEÑOR: ‘SEÑOR, mi Dios, di bèrdè mes Bo ke laga un desaster pasa ku e biuda akí, i di bèrdè mes Bo ke kita su úniko yu for di dje, nèt e ku a tuma mi serka dje den kas?’

1 Reinan 17:20 Referans Kwoze

Mateo 21:22

Si boso konfia, boso lo risibí tur loke boso pidi den orashon.’

Salmo 99:6

Moises i Aaron tabata su saserdote, Samuel un di esnan ku a yama su nòmber: nan a sklama na SEÑOR i El a kontestá nan.

2 Reinan 19:15

Ezekías a resa aya: ‘SEÑOR, Dios di Israel, Abo ku tin bo trono riba kerubinnan, t'Abo so ta Dios di tur nashon di mundu. Abo a traha shelu i tera.

Éksodo 17:4

E ora ei Moises a roga SEÑOR pa yudansa: ‘Kiko mi mester hasi ku e pueblo akí? Nan ta kla pa bati mi ku piedra mata!’

Yeremías 12:1

SEÑOR, si mi kuminsá diskutí ku Bo, Abo semper tin rason. Pero tòg mi ke puntra Bo, di kon sierto kos ta sosodé. Pakiko kos ta bai bon ku hende malbado? Pakiko traidornan ta biba trankil?

2 Reinan 19:4

Rei di Asiria a manda su komandante pa ofendé Dios bibu. Podisé SEÑOR, bo Dios, por tuma e ofensanan akí na kuenta i kastigá nan. P'esei resa pa esnan di nos ku t'ei ainda.’

1 Reinan 17:19

Elías a rospond'é: ‘Duna mi bo yu.’ El a hisa e mucha for di skochi di e biuda; el a karg'é bai ariba kuné den e kamber kaminda e tabata keda i a pon'é riba su kama.

1 Reinan 17:21

E ora ei Elías a rèk su mes tur largu di su kurpa tres be riba e mucha i a resa na SEÑOR: ‘SEÑOR, mi Dios, laga rosea di bida bolbe den e mucha akí.’

Génesis 38:7

Pero SEÑOR tabata disgustá ku e mal komportashon di Er i El a lag'é muri.

Génesis 38:10

Loke el a hasi tabata malu den bista di SEÑOR i El a lag'é tambe muri.

2 Reinan 4:33

El a drenta, sera e porta i a keda e so ku e mucha. El a resa na SEÑOR.

2 Reinan 20:11

E ora ei Isaías a resa na SEÑOR i SEÑOR a laga e sombra ku ta marka posishon di solo riba e trapi di Ahas, hala bin dies tret patras.

Mateo 17:21

Ta solamente orashon i ayuno ta saka e sorto di spiritu akí for di hende.]