1 Reinan 15:20 - Papiamentu Bible 2013

²⁰ Bèn-Hadad a bai di akuerdo ku rei Asa i el a ordená e komandantenan di su trupanan ataká e siudatnan di Israel. Asina el a konkistá Iyon, Dan, Abel-Bet-Maaka, henter e region di Kinerèt i tambe henter teritorio di Naftali.

Beibel na Papiamentu Koriente 2013

²⁰ Bèn-Hadad a bai di akuerdo ku rei Asa i el a ordená e komandantenan di su trupanan ataká e siudatnan di Israel. Asina el a konkistá Iyon, Dan, Abel-Bet-Maaka, henter e region di Kinerèt i tambe henter teritorio di Naftali.

1 Reinan 15:20 Referans Kwoze

2 Reinan 15:29

Tempu ku Pèkag tabata rei di Israel, Tiglat-Pilesèr, rei di Asiria, a ataká Israel i a konkistá Iyon, Abel-Bet-Maaka, Yanoag, Kèdèsh, Hasor i region di Guilead i region di Galilea, esta henter teritorio di Naftali. Tiglat-Pilesèr a deportá e habitantenan pa Asiria.

Huesnan 18:29

E siudat tabata yama Laish, pero nan a yam'é Dan, na honor di nan tata di tribu, ku tabata un yu hòmber di Israel.

Yozue 11:2

tambe pa e reinan di region di seru parti nort i di vaye di Yordan, zùit di lago di Kinarot, pa e reinan di sabana i di region den serkania di Dor na parti wèst.

1 Reinan 12:29

El a pone un di e toronan na Betel, e otro el a instalá na Dan,

Yozue 12:3

Mas aleu su teritorio tabata kubri e parti ost di vaye di Yordan, for di lago di Kinerèt te na e parti ost di Laman Morto den direkshon di Bet-Haishimot i den direkshon zùit te na pia di seru Pisga.

Génesis 14:14

Ora Abram a tende ku nan a kohe su subrina prezu el a reuní e hòmbernan ku a nase serka dje i ku por a usa arma. Nan tabata 318 na tur. Ku nan el a sali persiguí e reinan te na e siudat Dan.

1 Reinan 20:1

Rei Bèn-Hadad di Aram a reuní henter su ehérsito. Ku 32 rei, kabai i garoshi, el a bai siudat Samaria, siti'é i atak'é.

1 Reinan 20:34

Bèn-Hadad a bisa: ‘Lo mi duna bo e siudatnan ku mi tata a kita for di bo tata, ya bo por habri bo mes sentronan pa komèrsio na Damasko, manera mi tata a yega di hasi na Samaria.’ Ahab a kontestá: ‘Si nos por fiha esei den un kombenio, mi ta laga bo bai.’ Ahab a sera un kombenio ku Bèn-Hadad i a lag'é bai.

Yozue 19:39

E siudatnan akí ku nan pueblonan tabata forma propiedat di e famianan di Naftali.