1 Reinan 13:19 - Papiamentu Bible 2013

¹⁹ E ora ei e hòmber di Dios for di Huda a bai kuné i el a kome i bebe na su kas.

Beibel na Papiamentu Koriente 2013

¹⁹ E ora ei e hòmber di Dios for di Huda a bai kuné i el a kome i bebe na su kas.

1 Reinan 13:19 Referans Kwoze

Echonan 4:19

Nan a kontestá: ‘Boso husga pa boso mes, si den bista di Dios ta korekto pa nos tende di boso en bes di tende di Dios mes.

1 Reinan 13:9

Esei ta òrdu di SEÑOR. Esaki ta e òrdu ku mi a haña di SEÑOR: “No kome pan ni bebe awa, no bai bèk di e mesun kaminda ku bo a bini.” ’

Deuteronomio 18:20

Si un profeta riska papia den mi nòmber sin ku Mi a orden'é òf riska papia den nòmber di otro dios, mester mat'é.”

Deuteronomio 13:5

Mata e profeta òf e hende ku ta bai tras di soño, pasobra el a enkurashá boso pa rebeldiá kontra SEÑOR, boso Dios, ku a saka boso for di Egipto, e kurá di katibu. E hòmber ei ker a kita boso for di e bon kaminda ku SEÑOR, boso Dios, a mustra boso. Kaba asina ku e maldat ku tin serka boso.

Deuteronomio 13:1

Por sosodé ku un profeta òf un hende ku ta haña revelashon den soño ta anunsiá un señal òf un milager i alabes kombidá boso pa sigui i sirbi otro dios ku nunka boso no a yega di tende di dje. No obedesé su palabranan ni maske e señal tuma lugá òf e milager sosodé. Pasobra ta SEÑOR, boso Dios, ta pone boso di e manera akí na prueba. E ke haña sa si boso ta stim'É di henter boso alma i di henter boso kurason.

Génesis 3:6

E muhé a ripará kon bunita e palu tabata i ku su fruta lo a baha bon. El a haña gana di kom'é pa asina e haña sabiduria. El a kohe un fruta i a kom'é. El a duna su kasá ku tabata huntu kuné i esei tambe a kome.

1 Reinan 13:18

E profeta bieu a bisa: ‘Mi tambe ta profeta meskos ku bo. SEÑOR a manda un angel bisa mi hiba bo mi kas, pa bo kome pida pan i bebe awa.’ Pero gaña e tabata gañ'é.

1 Reinan 13:20

Pero ora nan tabata sintá na mesa, e profeta bieu, ku a pone esun for di Huda bira bèk, a risibí un mensahe di SEÑOR.