1 Reinan 12:15 - Papiamentu Bible 2013

¹⁵ Asina ta ku rei no a skucha pueblo. SEÑOR a disponé pa sosodé asina, ya e promesa ku El a hasi Yerobeam, yu di Nebat, pa boka di Ahías di Silo, lo keda kumplí.

Beibel na Papiamentu Koriente 2013

¹⁵ Asina ta ku rei no a skucha pueblo. SEÑOR a disponé pa sosodé asina, ya e promesa ku El a hasi Yerobeam, yu di Nebat, pa boka di Ahías di Silo, lo keda kumplí.

1 Reinan 12:15 Referans Kwoze

1 Reinan 12:24

ku SEÑOR ta bisa pa no bai bringa kontra boso rumannan. Manda tur hende nan kas bèk, pasobra t'E a disponé asina.’ E ora ei nan a obedesé palabra di SEÑOR i a bai kas bèk, manera SEÑOR a ordená.

Huesnan 14:4

Su tata i su mama no tabata sa ku ta segun boluntat di SEÑOR tur kos tabata bai i ku ta un oportunidat SEÑOR tabata buska pa hasi algu kontra e filisteonan. Pasobra den e tempu ei e filisteonan tabata manda riba Israel.

Deuteronomio 2:30

Pero Sihon, rei di Hèshbon, a nenga di laga nos pasa. E tabata tèrko i pretendido. Esei tabata trabou di SEÑOR, boso Dios, pasobra E ker a laga e rei kai den boso poder. Asina nos por a derot'é.

2 Krónikanan 25:20

Pero Amasías no ker a tende, esei tabata obra di SEÑOR; E ker a entregá Amasías i e hudeonan den man di Yoash, pasobra a adorá e diosnan falsu di Edom.

2 Krónikanan 22:7

Pero Dios a usa e bishita na Yoram akí pa kaba ku Ahazías. Pasobra ora el a yega aya e ku Yoram a bai serka Yehu, ku Dios a skohe pa kaba ku kas real di Ahab. Yehu tabata yu di Nimshi.

2 Krónikanan 10:15

Asina ta ku rei no a skucha e pueblo. SEÑOR Dios a disponé pa sosodé asina, ya e promesa ku El a hasi Yerobeam, yu di Nebat, pa boka di Ahías di Silo, lo keda kumplí.

1 Reinan 11:11

E ora ei SEÑOR a bisa Salomon: ‘Ya ku bo a komportá bo asina i bo no a kumpli ku mi aliansa, ni ku e leinan ku Mi a duna bo, lo Mi ranka e reino kita for di bo i duna bo sirbidó e.

Echonan 4:28

Asina nan a ehekutá tur kos ku Abo den bo poder a disidí ku mester a sosodé.

Echonan 2:23

Pero ora nan a entreg'É segun e plan i propósito ku Dios tabatin kaba, boso a laga malechornan krusifik'É i mat'É.

Amos 3:6

Tròmpèt di guera ta zona den siudat sin spanta e hendenan? Desaster ta baha riba un siudat si no ta SEÑOR a mand'é?

Daniel 4:35

Kompará kunÉ, hende no ta nada; E ta hasi manera E ke ku podernan di shelu i ku habitantenan di tera. No tin ningun hende ku por bai kontra su poder, ni ku por reklam'É loke E ta hasi.

2 Krónikanan 25:16

Promé ku el a kaba di papia, Amasías a interumpié bisando: ‘Ken a nombra bo komo mi konsehero? Sera bo boka pa nan no mata bo!’ E profeta a keda ketu pero promé el a bisa: ‘Awor mi sa ku SEÑOR tin plan di destruí bo, pasobra bo a hasi asin'akí i bo no ker a skucha mi konseho.’

2 Reinan 10:10

Wèl, ningun di e kosnan ku SEÑOR a bisa kontra famia di Ahab no ta keda sin sosodé. SEÑOR a hasi loke El a papia pa boka di su sirbidó Elías.’

2 Reinan 9:36

Ora nan a bini bèk i a konta Yehu loke a pasa, el a bisa: ‘A sosodé presis manera SEÑOR a papia pa boka di su sirbidó Elías di Tisbe: “Den kunuku di Yizreel kachónan lo kome karni di Izebel.

1 Reinan 22:23

Mikéas a sigui bisa: ‘Loke a sosodé ta, ku SEÑOR a pone mentira den boka di tur bo profetanan, pasobra El a disidí di manda desaster riba bo.’

2 Samuel 17:14

E ora ei Absalon i tur e hòmbernan di Israel a bisa: ‘E konseho di Hushai, e arkita, ta mihó ku esun di Ahitofèl.’ SEÑOR a laga ku nan a torpediá e konseho di Ahitofèl, ku en realidat tabata mihó, pa hinka Absalon den un kataklismo.

Echonan 3:17

Awèl, rumannan, mi sa ku boso a aktua den ignoransia, meskos ku boso lidernan.

Salmo 5:10

Laga nan paga, o Dios, pa nan maldat i trompeká riba nan plannan. Nan krímennan ta hopi: kai aden! Ta kontra Bo nan ta lanta!

1 Samuel 15:29

Kòrda bon, Dios ku ta gloria di Israel no sa gaña ni sinti duele; pa sinti duele bo mester ta hende i esei E no ta!’

Génesis 24:50

Laban i Betuel a rospondé: ‘SEÑOR a disidí asina i nos no por bai kontra.