1 Reinan 10:8 - Papiamentu Bible 2013

⁸ Felis bo kasánan i felis e funshonarionan akí ku tur ora ta huntu ku bo i ta tende bo sabiduria!

Beibel na Papiamentu Koriente 2013

⁸ Felis bo kasánan i felis e funshonarionan akí ku tur ora ta huntu ku bo i ta tende bo sabiduria!

1 Reinan 10:8 Referans Kwoze

Proverbionan 8:34

Bendishoná ta e hòmber ku ta tende di mi, ku tur dia ta vigilá mi portanan i ta keda warda na porta.

Lukas 11:31

Reina di Sheba lo lanta riba dia di huisio huntu ku e hendenan di e generashon akí i lo e kondená nan. Pasobra el a sali fo'i un ekstremo di mundu pa bai skucha rei Salomon su palabranan di sabiduria, i mira, aki tin algu superior na Salomon.

Lukas 11:28

Hesus a rospond'é: ‘Mas felis ainda ta esun ku tende palabra di Dios i obedes'é.’

Proverbionan 13:20

Es ku anda ku hende sabí ta bira sabí, pero ai di esun ku ta amigu di hende bobo.

Proverbionan 10:21

Palabra di hende hustu ta alimento pa hopi hende, pero hende bobo ta muri pa falta di sintí.

1 Reinan 10:7

Pero mi no por a kere, ku no ta te ora mi a yega i mi a mira ku mi mes wowo. Echo ta ku nan no a konta mi ni mitar di loke ta bèrdat, pasobra bo sabiduria i bo prosperidat a surpasá tur loke mi a tende.

Proverbionan 22:29

Hende ku ta traha bon lo traha pa rei i no pa ken ku ta.

Yeremías 40:10

Pa loke ta toka ami, mi ta keda aki na Mispa i lo mi representá boso serka e babilonionan ku bini aki. Bai biba den e siudatnan ku boso tin okupá. Sòru pa boso rekohé kosecha di drùif, fruta i oleifi i warda nan den barí.’

1 Reinan 12:6

Rehabeam a konsultá ku e ansianonan ku tabata den servisio di su tata Salomon tempu e tabata na bida ainda. El a puntra nan: ‘Kiko boso ta konsehá mi kontestá pueblo?’