1 Pedro 5:6 - Papiamentu Bible 2013

⁶ Humiliá boso mes antó i entregá boso den man poderoso di Dios i na su debido tempu lo E alsa boso.

Beibel na Papiamentu Koriente 2013

⁶ Humiliá boso mes antó i entregá boso den man poderoso di Dios i na su debido tempu lo E alsa boso.

1 Pedro 5:6 Referans Kwoze

Hakobo 4:10

Humiliá boso den bista di Señor i lo E alsa boso.

Lukas 14:11

Pasobra tur hende ku alsa su mes, lo ta humiliá, ma esun ku humiliá su mes, lo ta alsá!’

Proverbionan 29:23

Hende orguyoso ta kai, hende humilde ta haña honor.

Mateo 23:12

Ken ku alsa su mes, lo ta humiliá i ken ku humiliá su mes, lo ta alsá.

Lukas 18:14

Mi ta bisa boso: ta e kobradó di belasting ei a baha bai kas na bon ku Dios. Pasobra tur hende ku alsa su mes, lo keda humiliá, ma esun ku humiliá su mes, lo keda alsá.’

Lukas 1:52

El a basha gobernante for di nan trono i El a alsa e humildenan.

2 Krónikanan 32:26

E ora ei Ezekías a pone orguyo un banda; e i e habitantenan di Herusalèm a humiliá nan mes di manera ku SEÑOR no a laga su ira baha riba nan den tempu di Ezekías.

2 Krónikanan 12:12

Pasobra Rehabeam a rekonosé ku el a hasi piká, rabia di SEÑOR no a destruyé kompletamente. Ainda tabatin algu bon na Huda.

2 Krónikanan 33:12

Den e situashon prekario akí el a purba plakia rabia di SEÑOR, Dios di su antepasadonan, dor di rekonosé su faltanan humildemente.

Isaías 40:4

Lo yena tur vaye i baha kada seru i seritu; lo paria partinan ku no ta kore pareu, e region yená ku piedra i baranka lo bira un lugá lizu.

Yeremías 44:10

Te dia djawe niun hende no a keda sobresaltá pa e kos akí, niun hende no a rekonosé mi outoridat. Niun hende no ta biba segun e lei i su reglanan, ku Ami a duna boso i boso antepasadonan.” ’

Salmo 75:10

Lo mi kita tur orguyo di malbadonan, ma bon hendenan lo kana frenta na altu!

Isaías 2:11

Orguyosonan lo mester baha nan bista, arogantenan lo ta humiliá. E dia ei SEÑOR so lo ta alsá.

2 Reinan 22:19

Bo a habri bo kurason i a humiliá bo mes pa Mi, bo a sker bo paña i a yora den mi presensia ora bo a tende kon Mi tabata menasá e lugá akí i su habitantenan. Mi a bisa, ku ora hende weta Herusalèm, nan lo sakudí kabes di konsternashon i usa su nòmber pa maldishoná otro.

1 Reinan 21:29

‘Bo a weta kon Ahab a baha kabes pa Mi? Pasobra el a baha kabes pa Mi, lo Mi no manda e desaster riba su kas real miéntras e ta na bida, pero durante bida di su yu hòmber.’

Mikéas 6:8

SEÑOR n' bisa bo kaba, o hende, loke ta bon? I awor kiko SEÑOR ta eksigí di bo? Esaki so: praktiká hustisia, stima fieldat i konsultá Dios den tur kos.

Isaías 57:15

Wèl, ata loke Dios altu i elevá ta bisa, e Dios ku tin nòmber santu i ta biba pa semper: ‘Mi ta biba den shelu, den santidat inalkansabel, pero tambe huntu ku esnan abatí i di kurason humilde. Mi ta duna nan speransa i kurashi di nobo!

Éksodo 10:3

Moises i Aaron a bai serka fárao i a bis'é: ‘SEÑOR, Dios di e hebreonan, ta bisa asin'akí: “Kuantu tempu mas bo ta nenga di someté bo na Mi? Laga mi pueblo bai pa e adorá Mi.

Romanonan 5:6

Nèt na momento ku nos no por a yuda nos kurpa, Kristu a muri pa hende ku no ta tene kuenta ku Dios.

Daniel 5:22

Pero abo, Belshasar, ku ta su yu, no a aktua na un manera humilde, ounke bo tabata sa tur e kosnan akí.

Yeremías 13:18

SEÑOR a manda mi bisa rei i reina mama: ‘Baha for di boso trono i kai sinta abou, pasobra boso korona presioso a kita kai for di boso kabes.

Salmo 89:13

Bo tin un brasa mashá poderoso, bo man ta fuerte, bo man drechi viktorioso.

2 Krónikanan 30:11

Tòg tabatin algun hende di tribu di Asher, Manase i Zebulon ku a arepentí i bai Herusalèm.

2 Krónikanan 33:23

Kontrali na su tata e no a rekonosé su faltanan humildemente, al kontrario su faltanan tabata bira mas tantu.

2 Krónikanan 36:12

Sedekías tabata hasi loke ta malu den bista di SEÑOR i el a nenga di rekonosé su falta ora profeta Yeremías a papia kuné riba esei.

1 Korintionan 10:22

Òf ta provoká nos ke provoká Señor? Akaso nos ta mas fuerte kunÉ?

Ezekiel 21:6

Hende, keha manera un hende kibrá, keha di un tristesa profundo nan dilanti.

Job 36:22

Kòrda bon, kon sublime Dios su poder ta! Ken ta un maestro manera E?

2 Krónikanan 33:19

E orashon ku Manase a resa, kon Dios a skuch'é, tur su echonan pekaminoso, su infieldat, e lugánan kaminda el a lanta e palunan sagrado i e imágennan promé ku el a kombertí, tur ta skibí den historia di Hozai.

Deuteronomio 32:35

Ami lo tuma vengansa. Ami lo paga bèk, ora e enemigunan tambaliá riba pia. Nan pèrdishon no ta leu mas, nan fin lo yega lihé.”

Levítiko 26:41

Nan lo komprondé ku Mi a aktua kontra nan i ku p'esei Mi a hiba nan pais di nan enemigunan. Pero si nan baha nan mes i paga basta pa nan pikánan,

Éksodo 32:11

Moises a purba papia ku SEÑOR, su Dios. El a bisa: ‘SEÑOR, pakiko lo Bo baha bo rabia riba bo pueblo, bo pueblo ku Bo a saka ku gran poder i ku man fuerte for di Egipto?

Éksodo 3:19

Mi sa sinembargo ku rei di Egipto lo no duna boso pèrmit pa bai, si Mi no fòrs'é.

Hakobo 5:10

Rumannan, tuma un ehèmpel riba e profetanan ku a papia den nòmber di Señor: nan a pasa malu na man di hende, pero tòg nan a sigui warda ku pasenshi.

Tito 1:3

I awor, na e momento adekuá, Dios a manifestá su promesa pa medio di predikamentu di e bon notisia; ta E mes, nos Salbador, a enkargá mi pa mi predik'é.

Ezekiel 17:21

Tur su sòldánan ku lo hui, lo muri, i esnan ku sobra, lo keda plamá den tur direkshon. E ora ei boso lo rekonosé ku Ami, SEÑOR Dios, a papia.’

1 Timoteo 2:6

El a entregá su bida pa reskatá humanidat. Asina su morto a testiguá, na su debido tempu, ku Dios ke salba hende.

Hakobo 4:7

P'esei someté boso na Dios; resistí diabel i lo e hui bai for di boso.