1 Pedro 3:10 - Papiamentu Bible 2013

¹⁰ Manera Skritura ta bisa: ‘Tin hende ku ke biba hopi tempu, ku ke pasa nan dianan den bon? Laga nan warda nan lenga di maldat i nan lepnan di papia mentira.

Beibel na Papiamentu Koriente 2013

¹⁰ Manera Skritura ta bisa: ‘Tin hende ku ke biba hopi tempu, ku ke pasa nan dianan den bon? Laga nan warda nan lenga di maldat i nan lepnan di papia mentira.

1 Pedro 3:10 Referans Kwoze

Hakobo 1:26

Si un hende ta kere ku e ta mashá dediká na Dios, pero e no por frena su lenga, e ta gaña su mes i su dedikashon no ta sirbi pa nada.

1 Pedro 2:22

E no a kometé niun piká ni nunka mentira no a sali for di su boka.

1 Pedro 2:1

P'esei anto pone un banda tur sorto di maldat i engaño, hipokresia, envidia i tur sorto di papiamentu negativo.

Revelashon 14:5

Niun mentira no ta sali for di nan boka; nan ta sin mancha.

Huan 1:47

Ora Hesus a mira Natanaèl ta bini, El a bisa: ‘Ata enberdat un israelita ku no konosé deshonestidat.’

Huan 12:25

Esun ku ke tene na su bida lo pèrd'é, ma esun ku no tene na su bida den e mundu akí, lo preserv'é pa eternidat.

Proverbionan 8:35

Pasobra haña mi ke men: haña bida i gana simpatia di Dios.

Proverbionan 3:2

E ora ei lo bo tin un bida dushi, un bida largu i felis.

Mateo 19:17

Hesus a kontest'é: ‘Pakiko bo ta puntra Mi tokante bondat? Ta Dios so ta bon! Pa bo haña bida eterno, bo mester kumpli ku e mandamentunan.’

Proverbionan 4:22

Na esnan ku haña nan, nan ta duna bida i salú.

Proverbionan 3:18

Pa esnan ku koh'é tene duru e ta un palu ku ta duna bida, felis esun ku dal tene sabiduria duru sin ke lag'é bai.

Marko 8:35

Pasobra esun ku ke salba su bida lo pèrd'é, ma esun ku entregá su bida pa Mi i pa e bon notisia, lo salb'é.

Salmo 49:19

tòg lo e djòin tur su antepasadonan ku hamas i nunka lo no mira lus di dia.

Salmo 27:13

Mi sa ku lo mi sinti den mi bida bondat di SEÑOR.

Job 33:28

El a salba mi di baha den reino di morto i lo mi biba pa gosa di lus.”

Job 9:25

Mi dianan ta kore pasa mas lihé ku koredó den kareda i nan no ta trese nada bon pa mi.

Deuteronomio 32:47

No ta palabra sin sentido, nan ta di sumo importansia pa boso. Si boso kumpli ku nan boso lo biba largu den e pais ku boso ta bai tuma pa boso, aya na otro banda di Yordan.’

Predikador 2:3

Miéntras sabiduria tabata guia mi mente ainda, mi a buska manera pa zeta mi kurpa ku bibida i a brasa bobedat, te ora mi por a mira kiko ta bon pa hende mortal hasi durante e tiki dianan di nan bida aki riba mundu.

Salmo 106:5

Pa mi por mira kon felis bo eskohidonan ta, kompartí e alegria di bo pueblo i pa, huntu kuné, bo propiedat, mi tambe por sinti mi orguyoso!

Job 2:4

Pero satanas a rospondé SEÑOR: ‘Miéntras Bo no hasi nada pa su kueru pika, tur kos ta bai bon. Un hende ta dispuesto na sakrifiká tur kos kontal ku salba su bida.