1 Pedro 2:15 - Papiamentu Bible 2013

¹⁵ Pasobra Dios ke pa boso hasi loke ta bon pa asina pone un fin na e papiamentu ignorante di hende bobo.

Beibel na Papiamentu Koriente 2013

¹⁵ Pasobra Dios ke pa boso hasi loke ta bon pa asina pone un fin na e papiamentu ignorante di hende bobo.

1 Pedro 2:15 Referans Kwoze

1 Pedro 3:17

Pasobra ta mihó sufri pa motibu di e bon ku boso a hasi, si ta Dios su boluntat, ku sufri pa motibu di algu malu ku boso a hasi.

Tito 2:8

i papia na un manera sano ku niun hende no por kondená. Ya asina bo kontrinkante lo no tin nada malu di bisa i su kara ta keda na bèrgwensa.

1 Pedro 2:12

Sòru di komportá boso mes bon asina entre e paganonan, pa ora nan akusá boso di ta malechor, nan mira boso bon obranan i glorifiká Dios dia E bini pa husga.

Mateo 7:26

Ma ken ku skucha e palabranan di Mi akí i keda sin kumpli ku nan, ta manera e hòmber bobo ku a traha su kas den santu.

1 Tesalonisensenan 5:18

yama Dios danki bou di tur sirkunstansia, pasobra esei ta loke Dios ta deseá di boso komo hende ku ta kere den Kristu.

1 Tesalonisensenan 4:3

Ta boluntat di Dios pa boso biba den un forma santu i keda leu for di inmoralidat.

Yeremías 4:22

‘Esta bobo mi pueblo ta,’ SEÑOR ta bisa, ‘nan no sa ken Mi ta; nan ta mucha kabes duru, sin tinu. Nan ta vèrsá den maldat, pero bobo den bondat.’

2 Pedro 2:12

Pero e tèrsionan akí ta manera bestia sin sintí, ku a nase pa hende atrapá i mata! Nan ta kana insultá loke nan no konosé i lo muri meskos ku bestia sin sintí.

Romanonan 1:21

Nan sa ku Dios ta eksistí, ma tòg nan no ta dun'É e gloria ku E meresé, ni nan no ta gradisiÉ. Nan ta pensa kos di loko i skuridat a yena nan kabes bashí.

Proverbionan 9:6

Evitá di ta den kompania di hende bobo, e ora ei lo bo biba; skohe kaminda di komprondementu!’

Job 2:10

Pero Job a rospondé: ‘Bo ta papia manera hende muhé sin sintí. Kos bon sí nos ke aseptá di Dios; di kon no aseptá kos malu tambe?’ Te na e momento ei Job no a pronunsiá niun palabra di piká.

Hudas 1:10

Pero e hendenan akí ta kana insultá loke nan no konosé. Nan ta manera bestia, sin sintí: ta solamente loke nan instinto manda nan, nan ta hasi i esei ta hiba nan na destrukshon!

1 Pedro 4:2

restu di su bida, e mester biba konforme boluntat di Dios i no konforme deseo humano.

1 Timoteo 1:13

ounke den pasado mi tabata papia malu di djE, persiguiÉ i insult'É. Pero Dios a tene mizerikòrdia ku mi, pasobra ami, ku e tempu ei no tabata un kreyente, no tabata sa kiko mi tabata hasi.

Salmo 107:42

Bon hende ta mir'é ku alegria, ma laga maldat sera boka.

Tito 3:3

Pasobra un tempu nos mes tambe tabata insensato i desobedesidu. Nos tabata engañá i tabata katibu di diferente pashon i plaser. Nos tabata biba ku malisia i envidia; hende tabata odia nos i nos mes tabatin rabia riba otro.

Galatanan 3:1

Esta bobo boso ta, galatanan! Ta ken a blèndu boso asina? Anto mira kon mi a duna boso un deskripshon bon kla di Hesu-Kristu komo Esun krusifiká!

Mateo 25:2

Sinku di nan tabata sabí i e otronan tabata bobo.

Salmo 5:5

Bo bista no ke mira arogansia, Bo ta odia malechornan.

Job 5:16

Di manera ku hende débil por karga speransa i inhustisia su boka ta keda será.

Deuteronomio 32:6

Asina boso ta hasi ku SEÑOR? Boso ta un pueblo loko, sin sabiduria, Israel! No ta SEÑOR ta boso Tata? No ta E a krea boso i hasi boso su pueblo?

1 Pedro 3:16

Pero hasié ku humildat i rèspèt, ku un konsenshi limpi. E ora ei esnan ku ta papia malu di boso bon kondukta kristian lo tin bèrgwensa di loke nan a papia.