1 Krónikanan 9:22 - Papiamentu Bible 2013

²² Na tur tabatin 212 hòmber enkargá ku e trabou di guardia na entradanan di tèmpel. Nan tabata inskribí den e pueblonan kaminda nan tabata biba. Fo'i tempu di David i profeta Samuel a introdusí e funshon akí.

Beibel na Papiamentu Koriente 2013

²² Na tur tabatin 212 hòmber enkargá ku e trabou di guardia na entradanan di tèmpel. Nan tabata inskribí den e pueblonan kaminda nan tabata biba. Fo'i tempu di David i profeta Samuel a introdusí e funshon akí.

1 Krónikanan 9:22 Referans Kwoze

1 Samuel 9:9

— Promé ayá, ora un israelita ker a konsultá ku Dios, e tabata bisa: ‘Laga nos bai serka e vidente.’ (Ke men esun ku nan ta yama ‘profeta’ awor, nan tabata yama ‘miradó di futuro’.) —

1 Krónikanan 28:13

Tambe el a dun'é instrukshon kon ta organisá e saserdotenan i e levitanan, pa e sirbishinan den tèmpel i e modelonan di tur e ophetonan ku ta usa e ora ei.

Nehemías 12:44

Den e tempu ei nan a nombra algun hòmber pa perkurá pa e kuartunan kaminda tabata warda provishon, donashon obligatorio, e promé produktonan i e désimo partinan. Den e kuartunan akí mester a warda e parti ku ta toka e saserdotenan i e levitanan segun ta stipulá den lei, pa mustra ku e hudiunan tabata satisfecho ku trabou di e saserdotenan i e levitanan.

Nehemías 11:36

Algun grupo di levita for di region di Huda tambe a bai biba den teritorio di Benhamin.

2 Krónikanan 31:18

Tabata inskribí henter e komunidat di saserdote den registro; e kasánan, yu hòmbernan i yu muhénan tambe. Pasobra e hòmbernan tabata den sirbishi permanente di SEÑOR, nan kasá i nan yunan tambe tabata konsagrá na SEÑOR.

2 Krónikanan 31:15

Den e otro siudatnan kaminda tabatin saserdote ta biba, e levita Kore a haña bon yudansa di Eden, Miniamin, Yeshua, Shemaías, Amarías i Shekanías; nan tabata sòru pa e saserdotenan di e diferente gruponan haña nan parti, sin tene kuenta ku nan edat.

1 Krónikanan 28:21

E diferente gruponan di saserdote i levita ta para kla pa kumpli ku nan tarea den tèmpel. Bo mes ta disponé di hòmbernan di fishi ku ta dispuesto pa hasi tur e trabounan i tambe e pueblo i su lidernan ta na bo disposishon.’

1 Krónikanan 9:31

E levita Matitías, yu hòmber mayó di un tal Shalum di famia Korag, tabatin kòntròl diario riba loke tabata hòrna òf hasa pa ofrenda vegetal.

1 Krónikanan 9:16

Tambe Obadías, yu di Shemaías, ñetu di Galal i bisañetu di Yedutun; Bèrèkías, yu di Asa, ñetu di Elkana, ku tabata biba ku su famianan den e pueblonan ku tabata pertenesé na Netofa.

1 Krónikanan 9:23

Nan i nan desendientenan tabata enkargá ku tenementu di warda na entradanan di kas di SEÑOR, yamá Tènt.

2 Krónikanan 23:19

Na e entradanan di tèmpel Yoyada a pone guardia pa tene tur hende, ku di un òf otro manera tabata impuru, afó.

1 Krónikanan 29:29

Historia di rei David ta skibí for di kuminsamentu te fin den krónikanan di e vidente Samuel i di profeta Natan i den esnan di e vidente Gad.