1 Krónikanan 4:10 - Papiamentu Bible 2013

¹⁰ Yaebes a roga na Dios di Israel, i bisa: ‘O, bendishoná mi i hasi mi teritorio mas grandi, tene bo man riba mi, warda mi di maldat i doló.’ Dios a skucha su orashon.

Beibel na Papiamentu Koriente 2013

¹⁰ Yaebes a roga na Dios di Israel, i bisa: ‘O, bendishoná mi i hasi mi teritorio mas grandi, tene bo man riba mi, warda mi di maldat i doló.’ Dios a skucha su orashon.

1 Krónikanan 4:10 Referans Kwoze

Proverbionan 10:22

Solamente bendishon di Dios ta hasi hende riku, e no ta bini ku ningun klase di doló.

Yeremías 33:3

‘Yama Mi i Mi ta rospondé! Lo Mi konta bo di kosnan grandi, insondabel, kosnan ku bo no sa ni por sa di dje tampoko.

Isaías 41:10

No tene miedu, pasobra Mi ta ku bo, no wak asina spantá, pasobra Ami ta bo Dios. Mi ta duna bo forsa, yuda bo, sostené bo ku mi man viktorioso.

Efesionan 3:20

Gloria na Dios, ku por hasi infinitamente mas di loke nos por pidi òf pensa, pa medio di su poder ku ta trahando den nos.

Salmo 119:173

Laga bo man para kla pa yuda mi, komo m'a skohe bo preseptonan.

2 Timoteo 4:18

Dios lo libra mi di tur atake malbado i hiba mi su reino selestial sano i salvo. Gloria n'E den tur eternidat! Amèn.

Huan 10:28

Ami ta duna nan bida eterno i nunka nan lo no bai pèrdí; niun hende no por ranka nan kita for di mi man.

Efesionan 1:3

Laga nos alabá Dios, ku ta Tata di nos Señor Hesu-Kristu! El a bendishoná nos, pa medio di nos union ku Kristu, ku tur benefisio spiritual di e regionnan selestial.

Salmo 21:4

Ta bida el a pidi: ata B'a dun'é, un bida largu, un bida duradero!

Isaías 41:17

Ora hende mizerabel i pober buska awa, i no tin, ora lenga bira rans di set, Ami, SEÑOR, lo skucha nan; Ami, e Dios di Israel, lo no bandoná nan.

Salmo 55:16

Ma ami, mi ta sklama na Dios, SEÑOR lo trese mi salbashon.

1 Korintionan 1:2

na e iglesia di Dios na Korinte, na tur esnan yamá pa ta Dios su pueblo santu, na esnan ku ta pertenesé n'E den union ku Kristu-Hesus. E karta akí ta dirigí tambe na tur esnan ku tur kaminda ta invoká nòmber di nos Señor Hesu-Kristu, ku ta nan Señor i nos Señor.

Génesis 33:20

Einan el a traha un altá i a yam'é: Dios ta Dios di Israel.

Génesis 12:2

Bo desendientenan lo bira un nashon grandi; lo Mi bendishoná bo i hasi bo famoso i lo bo ta un bendishon pa otronan.

Génesis 48:16

e Angel, ku a libra mi di tur kos malu, mi ta resa pa E duna e muchanan akí su bendishon; pa mi nòmber sigui eksistí, nòmber di mi antepasadonan, Abraham i Isak. Dios duna nan hopi desendiente den e pais akí.’

Salmo 99:6

Moises i Aaron tabata su saserdote, Samuel un di esnan ku a yama su nòmber: nan a sklama na SEÑOR i El a kontestá nan.

Salmo 72:17

Mare su nòmber keda ei pa semper, su nòmber dura mes largu ku solo; ku hende us'é pa bendishon, tur nashon yam'é fortuná!

Génesis 32:28

E ora ei e hòmber a bis'é: ‘Lo bo no yama Yakob mas; pero Israel pasobra bo a lucha ku Dios i ku hende i bo a sali ganadó.’

Salmo 65:2

Bo meresé pa hende kumpli ku promesanan, o Skuchador di orashon!

Génesis 32:26

Despues e hòmber a bis'é: ‘Laga mi bai, ya di dia ta kuminsá habri.’ Yakob a kontest'é: ‘Mi no ta laga bo bai si bo no bendishoná mi.’

Proverbionan 30:8

Tene falsedat i mentira leu fo'i mi; no laga mi bira pober ni riku, duna mi solamente mi pan di kada dia.

Salmo 51:8

Laga mi tende di fiesta i alegria pa mi wesunan kibrá por ta kontentu.

Job 12:4

Mi a para bira pantomina di mi amigunan, ami, un hòmber ku sa resa na Dios i haña kontesta. Ami, un hòmber hustu, sin mancha, a para bira pantomina.

1 Samuel 1:17

‘Bai na pas,’ Eli a kontest'é, ‘Dios di Israel duna bo loke bo a pidiÉ.’

Génesis 12:8

Despues el a bai den serunan na parti ost di e stat Betel. Einan el a lanta su tènt, ku na wèst e stat Betel i na ost e stat Ai. Einan tambe el a traha un altá i a invoká nòmber di SEÑOR.

Salmo 51:12

Salba mi! Debolbé mi mi alegria, laga un spiritu generoso ta mi forsa.

Romanonan 12:9

Stima otro sinseramente. Odia maldat i pega boso kurason na loke ta bon.

Echonan 3:26

Ta serka boso, na promé lugá, Dios a manda su sirbidó pa boso keda bendishoná, ora boso kada unu bira lomba pa maldat.’

Romanonan 16:19

Tur hende sa ku boso ta obedesidu, p'esei mi ta kontentu ku boso. Mi ke pa boso ta sabí den loke ta bon i inosente pa loke ta trata maldat.

Mateo 6:13

i no laga nos kai den tentashon, ma libra nos di e malbado. [Pasobra di Bo e reino ta, tur poder i gloria, te den eternidat. Amèn.]

1 Krónikanan 16:8

Alabá SEÑOR, invoká su Nòmber, laga pueblonan tende di su obranan grandi!

Revelashon 3:19

Mi ta skual i disipliná kada un ku Mi ta stima. Sea antó yen di zelo i kombertí boso!

Efesionan 4:30

Anto no hasi Spiritu Santu di Dios fèrdrit; Dios a seya boso kunÉ komo su propiedat pa marka boso pa e dia di salbashon final.

Huan 21:17

Despues Hesus a puntr'é pa di tres bia: ‘Simon, yu di Huan, bo ta stima Mi?’ Pedro a bira tristu, pasobra Hesus a puntr'é esei pa di tres bia. El a kontestá: ‘Señor, Bo sa tur kos; Bo sa ku mi ta stima Bo.’ Hesus a sigui bis'é: ‘Duna mi karnénan di kome!

Lukas 19:42

El a bisa: ‘Mare bo tambe tabata sa riba dia djawe kiko por duna bo pas! Ma awor akí esei ta skondí pa bo!

Mateo 26:75

E ora ei Pedro a bin kòrda loke Hesus a bis'é: ‘Promé ku gai kanta, ya lo bo a nenga Mi tres be.’ El a bai pafó i a yora amargamente.

1 Krónikanan 4:9

Un tal Yaebes tabata e miembro mas importante den su famia. Dia el a nase su mama a bisa: ‘Ku hopi doló mi a hañ'é, p'esei mi a yam'é Yaebes.’

1 Krónikanan 4:11

Kelub, ruman di Shuha, tabata tata di Mehir. Mehir tabata tata di Eshton,

Génesis 28:20

Einan Yakob a hasi e promesa akí: ‘Si Dios kompañá mi i protegé mi durante mi biahe, si E duna mi di kome i di bisti,

Génesis 28:21

i si mi bolbe yega kas di mi tata sano i salvo, e ora ei SEÑOR lo ta mi Dios.

Génesis 32:27

E hòmber a puntr'é: ‘Kon yama bo?’ El a rospondé: ‘Mi yama Yakob.’

1 Samuel 1:20

Hana a sali na estado i ora su tempu a yega, el a duna lus na un yu hòmber. El a yam'é Samuel, i el a splika: ‘Mi a pidi SEÑOR e yu.’

1 Samuel 1:26

Hana a bisa Eli: ‘Despensá mi, mi shon, ta manera mi ta mira bo pará ainda mi dilanti! Mi shon, t'ami ta e muhé ku a yega di para aki i resa na SEÑOR den bo presensia.

1 Samuel 1:27

Ta e yu akí mi a pidi SEÑOR i El a konsedé mi e.

Salmo 121:7

SEÑOR ta warda bo di tur malu, sí, E ta spar bo bida.

Salmo 145:19

E ta kumpli ku deseo di su fielnan, E ta tende nan gritu i ta salba nan.