1 Krónikanan 18:2 - Papiamentu Bible 2013

² Tambe el a derotá e moabitanan. P'esei e moabitanan mester a pag'é belasting.

Beibel na Papiamentu Koriente 2013

² Tambe el a derotá e moabitanan. P'esei e moabitanan mester a pag'é belasting.

1 Krónikanan 18:2 Referans Kwoze

Isaías 16:1

Moab, manda un par di lamchi di karné komo tributo pa soberano dje pais. Laga nan sali for di Sèla, krusa desierto i bini seru di Sion.

Isaías 11:14

Huntu nan lo baha den direkshon wèst i subi lomba di e filisteonan. Huntu nan lo sakia tribunan di desierto i poderá di Edom i Moab. Amoritanan lo someté nan mes na nan.

Salmo 60:8

Pero Moab lo ta mi palangana, pa tuma poseshon di Edom Mi ta pisa mi sambarku riba dje, riba Filistea lo Mi kanta viktoria.’

1 Reinan 10:25

Aña aden aña afó kada bishitante tabata trese regalo, kosnan di oro i plata, paña, arma, perfume, kabai i mula.

1 Reinan 10:2

E reina a yega ku gran kantidat di kamel, kargá ku perfume, mashá hopi oro i piedra presioso. Ora el a yega serka Salomon, el a bis'é tur loke e tabatin na kurason.

2 Samuel 8:2

Tambe el a derotá e moabitanan, el a pone nan drumi abou i a midi nan ku un kordon: kada be e tabata midi dos midí pa laga mata i un midí pa keda na bida. Asina David a someté e moabitanan i a pone nan paga belasting.

1 Samuel 10:27

Pero buskadónan di tròbel a laga sa: ‘T'esun akí lo bai salba nos?’ Nan a menospresi'é i no a honr'é ku regalo, pero Saul a hunga kèns.

Numbernan 24:17

Mi ta mira un hende, e no t'aki ainda. Mi ta mir'é, djaleu: E ta sali for di e pueblo di Yakob, meskos ku un strea ta subi na shelu. Un gobernante ku un bastòn di rei den su man ta lanta para na Israel; e ta plèchè e hefenan di Moab, e ta destruí e pueblo di Set.

1 Krónikanan 18:1

Despues David a derotá e filisteonan i a someté nan. El a kita siudat Gad ku e pueblonan ku tabata pertenesé n'e for di nan.

1 Krónikanan 18:3

Tambe David a derotá Hadadezèr, rei di Soba, banda di Hamat, ora esaki a bai purba establesé su dominio den region di riu Efrata.