1 Krónikanan 12:16 - Papiamentu Bible 2013

¹⁶ Di tribu di Benhamin i di Huda tambe algun hòmber balente a bai na e spelònk den seru kaminda David a skonde.

Beibel na Papiamentu Koriente 2013

¹⁶ Di tribu di Benhamin i di Huda tambe algun hòmber balente a bai na e spelònk den seru kaminda David a skonde.

1 Krónikanan 12:16 Referans Kwoze

1 Samuel 22:7

E di ku nan: ‘Hòmbernan di Benhamin, tende un kos akí. Boso ta kere ku e yu di Ishai ei lo duna boso kunuku i hòfi di wendrùif? Boso ta kere ku e lo nombra boso komandante riba 1000 i riba 100 sòldá?

1 Krónikanan 12:15

Ta nan a riska krusa Yordan den luna di mart, ora e riu a subi tera i sera kaminda den e vayenan tantu parti ost komo parti wèst.

1 Krónikanan 12:17

David a kana bin kontra nan i a bisa nan: ‘Si boso a bini na pas pa yuda mi, boso ta bonbiní. Pero si boso tin intenshon di traishoná mi i entregá mi na mi enemigunan, ounke mi no a kometé ningun inhustisia, Dios di nos antepasadonan lo weta i kastigá boso!’

Yozue 3:15

Manera sa sosodé tempu di kosecha, riu a subi tera. Pero asina e saserdotenan ku tabata karga e arka a yega kantu di riu i hinka nan pia den awa di Yordan,

1 Samuel 22:4

David a laga su mayornan serka rei di Moab i nan a keda ei tanten David tabata den su spelònk altu den e serunan.

2 Samuel 23:14

David tabata den su spelònk altu den seru. Un momento dado David a ekspresá e deseo: ‘Mare un hende por duna mi poko awa di bebe for di e pos ku tin serka di porta di Betlehèm.’ Pero aya na Betlehèm tabatin un pòst di e filisteonan.

1 Krónikanan 12:8

Di tribu di Gad tambe algun hòmber balente, sòldánan eksperensiá, armá ku eskudo i lansa, a djòin David, tempu e tabata den spelònk den desierto di Huda. Nan tabata parse leon i tabata lihé manera biná.

Salmo 68:27

Ata Benhamin, esun mas chikí, dilanti, despues lidernan di Huda, na gruponan grandi, hefenan di Zebulon i hefenan di Naftali.