1 Korintionan 7:40 - Papiamentu Bible 2013

⁴⁰ Ounke mi mes ta pensa ku lo e ta mas felis si e no kasa mas. Esei ta mi opinion i mi ta kere ku mi tambe tin Spiritu di Dios!

Beibel na Papiamentu Koriente 2013

⁴⁰ Ounke mi mes ta pensa ku lo e ta mas felis si e no kasa mas. Esei ta mi opinion i mi ta kere ku mi tambe tin Spiritu di Dios!

1 Korintionan 7:40 Referans Kwoze

1 Tesalonisensenan 4:8

P'esei esun ku ta rechasá e instrukshonnan akí no ta rechasá hende, sino ta rechasá Dios mes ku a duna boso su Spiritu Santu.

2 Korintionan 12:11

Mi a hasi kos di hende loko, pero ta boso mes a fòrsa mi aktua asina. Ta boso mester papia bon di mi, pasobra maske tabata bèrdat ku mi no ta nada mes, e ‘superapòstelnan’ di boso ei no tin nada ku ami no tin!

1 Korintionan 7:35

Mi no ta bisa boso esaki pa limitá boso libertat, ma pa boso mes bon. Mi ke pa boso biba di un manera digno i dediká na Señor, sin nada pa distraí boso.

1 Korintionan 7:8

Biudo i biuda mi ke bisa ku ta mihó nan keda sin kasa, meskos ku mi.

1 Korintionan 7:6

Esaki no ta un mandamentu; mi ta bisa boso asina pa no limitá boso.

1 Korintionan 7:1

Ban pasa awor pa loke boso a menshoná den boso karta. Tin ta bisa: ‘Mihó pa un hòmber no tene relashon ku un muhé!’

2 Korintionan 8:10

Ta un konseho so mi ta duna boso pa boso mes bon. For di aña pasá boso tabatin un plan kaba i boso a kuminsá pon'é den práktika.

2 Korintionan 13:3

Asina boso lo haña e prueba ku boso ke mira, esta ku Kristu ta papia pa medio di mi. E no ta trata boso na un manera débil, pero E ta mustra su forsa pa medio di nos.