1 Korintionan 3:15 - Papiamentu Bible 2013

¹⁵ Si un hende su trabou kima, e persona ei lo pèrdè su rekompensa, ma e mes lo keda salbá, pero na manera di bisa ku huma di kandela na su kurpa!

Beibel na Papiamentu Koriente 2013

¹⁵ Si un hende su trabou kima, e persona ei lo pèrdè su rekompensa, ma e mes lo keda salbá, pero na manera di bisa ku huma di kandela na su kurpa!

1 Korintionan 3:15 Referans Kwoze

2 Huan 1:8

Paga tinu anto pa boso no pèrdè loke nos a traha p'e, ma sòru pa boso risibí boso rekompensá kompleto.

Hudas 1:23

Lo tin algun ku ainda boso lo por salba for di kandela di huisio i lo tin otro ku ounke boso mester tene mizerikòrdia ku nan, tòg boso mester warda boso mes di nan i repudiá asta e pañanan na nan kurpa, ku ta manchá pa un bida inmoral!

Revelashon 3:18

Sigui mi konseho i kumpra oro, purifiká den kandela, serka Mi, pa boso bira riku, i tambe paña blanku pa bisti i tapa e bèrgwensa di boso sunú, i salfi pa hunta riba boso wowo, di manera ku boso por mira atrobe.

1 Pedro 4:18

Manera Skritura ta bisa: ‘Si ta difísil pa hende hustu keda salbá, kiko ta para pa hende pekadó i malbado?’

Zakarías 3:2

SEÑOR a bisa e akusadó: ‘Mi ta bai kastigá bo, akusadó, Ami, ku ta skohe Herusalèm komo lugá pa biba. E hòmber akí ta manera pida palu ku nan a logra saka fo'i kandela.’

Salmo 66:12

B'a laga hende subi nos kabes, nos a pasa den kandela, den awa, ma Bo a saka nos afó, duna alivio.

Amos 4:11

Mi a destruí boso pais, manera Mi a hasi ku Sódoma i Gomora. Ta algun hende so a sali bibu, manera pida palu ku b'a logra saka fo'i kandela. Tòg boso no a bolbe serka Mi.’ T'esaki SEÑOR a bisa.

Echonan 27:21

Niun hende no ker a kome mas. Pablo a lanta para nan dilanti i bisa: ‘Shonnan mester a tende di mi i no mester a hisa bela sali for di Kreta. E ora ei nos lo no a kore peliger ni sufri niun pèrdida.

Echonan 27:44

i laga sobrá tene na planki i pida pida palu di e boto. Anto asina tur a yega kantu sano i salvo.

Job 23:10

E sí konosé mi manera di biba. Ora E pone mi na prueba, lo resultá ku mi ta puru manera oro.

Salmo 66:10

Bo a purba nos, sí, o Dios, Bo a laga nos dirti den krosèt, manera ora ta limpia plata.