1 Korintionan 16:15 - Papiamentu Bible 2013

¹⁵ Mi ke pidi boso algu, rumannan: boso sa ku Stefanas i su hendenan di kas tabata e promé kreyentenan den region di Gresia i ku nan a dediká nan mes na sirbi Dios su pueblo.

Beibel na Papiamentu Koriente 2013

¹⁵ Mi ke pidi boso algu, rumannan: boso sa ku Stefanas i su hendenan di kas tabata e promé kreyentenan den region di Gresia i ku nan a dediká nan mes na sirbi Dios su pueblo.

1 Korintionan 16:15 Referans Kwoze

1 Korintionan 1:16

Sí, mi a batisá Stefanas i su hendenan di kas tambe, ma mi no ta kòrda ku mi a batisá niun otro hende mas!

Romanonan 16:5

Kumindá e rumannan ku ta reuní komo iglesia na kas di Priska i Akila tambe pa mi. Kumindá mi kerido amigu Epeneto tambe, ku ta e promé persona ku a kombertí kere den Kristu na provinsia di Asia.

1 Pedro 4:10

Komo bon manehadó di e diferente donnan di Dios, nos kada un mester sirbi e otronan ku e don spesial ku Dios a duna nos.

2 Korintionan 9:1

No ta na nodi pa mi skibi boso tokante yudansa pa e kreyentenan na Hudea.

2 Korintionan 8:4

nan a roga ku mashá insistensia pa nan tambe por duna algu pa yuda e kreyentenan na Hudea.

Romanonan 16:2

Risibié bon den nòmber di Señor, manera ruman den fe mester risibí otro; yud'é den tur su nesesidatnan, pasobra el a yuda hopi hende, inkluso mi mes.

Romanonan 15:25

Pero awor mi ta bai Herusalèm pa hiba un yudansa pa e rumannan aya.

Romanonan 12:13

Kontribuí pa kubri nesesidat di e pueblo santu i praktiká hospitalidat.

Revelashon 14:4

Ta esnan ku no a hasi nan mes impuru dor di relashon seksual ku hende muhé; nan a keda bírgen. Nan ta sigui e Lamchi unda ku E bai. Entre e hendenan, nan ta esnan promé kumprá liber pa Dios i pa e Lamchi.

Hebreonan 6:10

Pasobra Dios ta hustu. Lo E no lubidá loke boso a hasi, ni e amor ku boso a demostrá e pueblo santu i ta demostrando e ainda.

Filemon 1:7

Mi ruman, bo amor a hasi mi mashá kontentu i a kurashá mi hopi, pasobra el a sirbi pa animá kurason di e rumannan.

1 Timoteo 5:10

Nan mester ta konosí komo hende ku ta hasi bon obra. Mester wak si nan a kria esnan ku a lanta serka nan bon, si nan a mustra hospitalidat, si nan a laba pia di esnan ku ta pertenesé na pueblo santu di Dios, si nan a yuda hende den problema, den un palabra, si nan a dediká nan mes na tur sorto di obra di karidat.

1 Korintionan 16:17

Mi ta kontentu ku Stefanas, Fortunato i Akaiko a bini; nan a yena e bashí ku boso ousensia a trese.

Romanonan 15:31

Pidi pa mi por skapa di e hudiunan inkreyente na Hudea i pa e kontribushon ku mi ta hiba Herusalèm por keda bon risibí serka e rumannan aya.

Echonan 18:12

Ora Galio a bira gobernador romano di Gresia, e hudiunan a ataká Pablo na bòshi i hib'é dilanti di korte.

1 Korintionan 16:1

Ban pasa awor pa e tópiko tokante kolekshon di sèn pa esnan na Hudea ku ta pertenesé na e pueblo santu. Hasi esei segun e instrukshonnan ku mi a duna e iglesianan na provinsia di Galasia.