1 Korintionan 15:10 - Papiamentu Bible 2013

¹⁰ Pero danki na grasia di Dios mi ta e hende ku mi ta. E no a mustra mi su bondat enbano; al kontrario, mi a traha mas duru ku nan tur; no ami mes, pero Dios ku den su bondat a yuda mi.

Beibel na Papiamentu Koriente 2013

¹⁰ Pero danki na grasia di Dios mi ta e hende ku mi ta. E no a mustra mi su bondat enbano; al kontrario, mi a traha mas duru ku nan tur; no ami mes, pero Dios ku den su bondat a yuda mi.

1 Korintionan 15:10 Referans Kwoze

Filipensenan 4:13

Mi por enfrentá tur kos pa medio di Esun ku ta duna mi forsa.

2 Korintionan 3:5

Di nos mes nos no tin kapasidat pa konsiderá algu nos trabou. Nos kapasidat ta bini di Dios,

Filipensenan 2:13

Pasobra Dios ta Esun ku ta traha den boso pa hasi boso kapas, no solamente pa deseá loke ta kuadra ku su boluntat, ma di kumpli kuné tambe.

Galatanan 2:8

Pasobra e mesun Dios ku a hasi mi apòstel pa esnan no hudiu a hasi Pedro apòstel pa esnan hudiu.

Romanonan 12:3

Dios a duna mi un enkargo, p'esei mi por bisa kada un di boso: no pensa ku boso ta mas di loke boso ta, pero sea realístiko. Kada ken mester tin un konsepto humilde di su mes, di akuerdo ku e midí di fe ku Dios a dun'é.

2 Korintionan 12:11

Mi a hasi kos di hende loko, pero ta boso mes a fòrsa mi aktua asina. Ta boso mester papia bon di mi, pasobra maske tabata bèrdat ku mi no ta nada mes, e ‘superapòstelnan’ di boso ei no tin nada ku ami no tin!

2 Korintionan 6:1

Komo kolaboradó di Dios nos ta hasi un apelashon na boso pa no laga e grasia ku boso a haña di Dios resultá enbano.

1 Korintionan 4:7

Ken a bisa ku boso ta superior? No ta Dios a duna boso tur loke boso tin? Di kon boso ta broma anto, komo si fuera no ta haña boso a haña tur loke boso tin?

1 Korintionan 15:2

I ta pa medio di e bon notisia ei boso lo haña salbashon, basta boso tene duru na e mensahe manera ami a predik'é na boso. Sino ta enbano boso a bini na fe.

Romanonan 11:1

Awor mi ta puntra: Dios a rechasá su pueblo? Apsolutamente ku nò! Pasobra ami mes ta israelita, desendiente di Abraham i miembro di tribu di Benhamin.

Mateo 10:20

Pasobra no ta boso ta bisa nada e momento ei, ma ta Spiritu di boso Tata ta papia dor di boso.

1 Korintionan 3:6

Ami a planta e simia, Apolo a muha e mata, pero ta Dios a laga e mata krese.

1 Korintionan 3:10

Di akuerdo ku e enkargo ku Dios a duna mi den su grasia, mi a basha e fundeshi manera un eksperto den trahamentu di kas i un otro hende ta sigui traha riba dje. Pero kada hende mester tene kuidou kon e ta sigui traha riba e fundeshi ei!

1 Korintionan 15:11

En todo kaso, sea t'ami òf ta nan, ta esaki ta loke nos ta prediká i ta esaki boso a kere.

1 Tesalonisensenan 5:12

Rumannan, nos ke pidi boso duna esnan ku ta traha meimei di boso rekonosementu, esta boso lidernan ku ta instruí boso den asuntu di Señor.

1 Timoteo 4:10

P'esei mes nos ta mula kurpa i traha duru, pasobra nos a pone nos speransa den e Dios bibu, ku ta Salbador di tur hende, spesialmente di esnan ku ta kere den djE.

Mateo 25:16

E kriá ku a haña sinku mil moneda, a bai hasi negoshi mesora ku e sèn i el a gana sinku mil aserka.