1 Korintionan 12:6 - Papiamentu Bible 2013

⁶ Tin diferente manifestashon di poder, pero ta e mesun Dios ta hasi esaki den tur hende, pa medio di su poder.

Beibel na Papiamentu Koriente 2013

⁶ Tin diferente manifestashon di poder, pero ta e mesun Dios ta hasi esaki den tur hende, pa medio di su poder.

1 Korintionan 12:6 Referans Kwoze

1 Korintionan 12:11

Ma tur esaki ta obra di ún i mesun Spiritu Santu ku ta duna kada hende su donnan manera E ta haña ta bon.

1 Korintionan 3:7

Ke men no ta ni esun ku ta planta ni esun ku ta muha ta importante, ma Dios ku ta pone e mata krese.

Huan 5:17

Hesus a defendé su kurpa i bisa: ‘Te awor mi Tata ta traha kontinuamente i Ami tambe mester hasi mi trabou.’

Kolosensenan 3:11

Esei ta trese kuné ku no ta importá si un hende ta hudiu òf no hudiu, sirkunsidá òf no-sirkunsidá, strañero, sin sivilisashon, katibu òf liber, pero loke ta importá ta Kristu, ku ta den nan tur.

Efesionan 4:6

i ún Dios, ku ta Tata di tur, ta riba tur, ta obra pa medio di tur i ta biba den tur.

Hebreonan 13:21

proveé boso di tur kos bon ku boso tin mester pa kumpli ku su boluntat. E, pa medio di Hesu-Kristu, hasi den nos loke ta agrad'É. N'E sea tur honor te den eternidat! Amèn.

Kolosensenan 1:29

Esei ta meta di mi lucha i di e trabou duru ku mi ta hasi, ku yudansa di poder di Kristu ku ta traha fuertemente den mi.

Filipensenan 2:13

Pasobra Dios ta Esun ku ta traha den boso pa hasi boso kapas, no solamente pa deseá loke ta kuadra ku su boluntat, ma di kumpli kuné tambe.

1 Korintionan 15:28

Ora tur kos ta someté na Kristu, e Yu mes lo someté su mes na Dios, ku a someté tur kos n'E i asina Dios lo ta supremo riba tur kos i den tur kos.

Job 33:29

Tur e kosnan akí Dios ta hasi ku hende dos, tres be, sin límite,

1 Korintionan 12:5

Tin diferente manera di sirbi, pero ta e mesun Señor nos ta sirbi.