1 Huan 5:18 - Papiamentu Bible 2013

¹⁸ Nos sa ku esun ku a nase di Dios no ta sigui den piká, pasobra Yu di Dios ta kuid'é i e malbado no por mishi kuné.

Beibel na Papiamentu Koriente 2013

¹⁸ Nos sa ku esun ku a nase di Dios no ta sigui den piká, pasobra Yu di Dios ta kuid'é i e malbado no por mishi kuné.

1 Huan 5:18 Referans Kwoze

1 Huan 3:9

Es ku a bira yu di Dios no ta sigui den piká, pasobra e poder dibino ku ta duna bida ta biba den dje, i komo Dios ta su Tata, e no por sigui den piká.

1 Huan 5:4

pasobra e echo ku un hende a nase di Dios ta loke ta vense mundu i ta nos fe den Kristu a duna nos e viktoria ku a vense mundu.

Hudas 1:21

Keda den e amor ku Dios tin pa boso, miéntras boso ta warda pa nos Señor Hesu-Kristu mustra boso mizerikòrdia i duna boso bida eterno.

1 Huan 5:1

Ken ku kere ku Hesus ta e Mesias, a nase di Dios. I esun ku ta stima un tata, ta stima e tata ei su yunan tambe.

Hudas 1:24

E úniko Dios, nos Salbador, tin poder pa protegé boso pa boso no kai i pa presentá boso sin mancha i yená ku goso den su presensia glorioso. Gloria, mahestat, poder i outoridat, pa medio di nos Señor Hesu-Kristu ta toka n'E; for di den tur eternidat, awor i pa semper. Amèn.

1 Huan 3:3

Anto esun ku ta karga e speransa akí den Kristu, ta mantené su mes puru, meskos ku Kristu mes tambe ta puru!

Hakobo 1:27

Ata aki loke Dios Tata ta konsiderá dedikashon puru i ireprochabel: buska drechi di e wérfano i biuda ku ta pasa trafat, i wak pa maldat di e mundu akí no susha bo.

1 Pedro 1:23

Pasobra boso a nase di nobo, no di mayornan ku ta muri bai, pero di e palabra bibu i eterno di Dios.

1 Huan 2:29

Ya ku boso sa ku Kristu ta hustu, boso sa tambe ku tur hende ku hasi loke ta hustu, a bira yu di Dios.

Huan 15:9

Meskos ku mi Tata ta stima Mi, asina Mi ta stima boso; keda den mi amor.

Salmo 119:101

M'a kita pia for di kualke mal kaminda, pa mi warda bo palabra.

Salmo 18:23

Mi tabata fiel n'E den delaster un kos, m'a tene mi leu fo'i tur loke ta malu.

Salmo 17:4

Kontrali na loke otro hende ta hasi mi a keda fiel na palabra di bo boka i mi a evitá nan andá violento:

Revelashon 2:13

Mi sa unda boso ta biba: aya kaminda trono di Satanas ta. Tòg boso ta keda fiel na mi nòmber i boso no a nenga boso fe den Mi, ni den e tempu ku a mata Antipas, mi testigu konfiabel, den boso siudat kaminda Satanas ta biba.

1 Huan 5:21

Mi yunan, keda leu fo'i tur kos ku ke tuma e Dios akí su lugá!

1 Huan 4:6

Ma nos ta pertenesé na Dios; esnan ku konosé Dios ta tende di nos, ma esnan ku no konos'É no ta tende di nos. T'asin'akí anto nos por diserní ken tin e Spiritu di bèrdat i ken tin e spiritu di engaño.

Huan 15:7

Si boso keda den Mi i mi palabranan keda den boso, pidi e ora ei loke boso ke i boso ta hañ'é.

Huan 1:13

Nan no a bira yu di Dios a base di famia, ni na un manera natural, ni pa medio di deseo di un hende hòmber, ma segun Dios su plan.

Proverbionan 4:23

Kuida bo manera di pensa mas ku tur kos ku bo tin na mundu, pasobra asina bo ta determiná bo bida.

Salmo 39:1

Mi di: Laga mi warda mi kurpa pa mi no hasi piká ku mi lenga; mi ke bisti mi boka un bosal, tanten ku tin malbado mi dilanti.

1 Huan 3:12

Nos no mester hasi manera Kain, ku tabata pertenesé na e malbado i a asesiná su mes ruman Abel! Anto pakiko el a asesin'é? Pasobra Kain mes tabata hasi maldat, ma su ruman sí tabata hasi loke ta hustu.

Echonan 11:23

Ora el a yega i mira kon Dios a bendishoná e hendenan, el a bira kontentu i a kurashá nan pa keda fiel i firme den Señor.

Huan 15:4

Keda den Mi i Ami lo keda den boso. Un taki no por duna fruta di su mes, sin ku e ta pegá na e mata. Meskos asin'ei boso no por karga fruta si boso no keda den Mi.

Huan 14:30

Mi no por sigui papia muchu mas ku boso, pasobra gobernadó di e mundu akí ta na kaminda. E no tin poder riba Mi,

Hakobo 1:18

Boluntariamente El a duna nos bida nobo pa medio di e mensahe di bèrdat, pa asina nos por tin na manera di bisa e promé lugá den su kreashon.

Salmo 119:3

ku sin kometé nada malu ta sigui su kamindanan!

Mateo 5:37

Laga bo sí ta sí i bo nò ta nò. Tur loke bo pone aserka ta bini di e malbado.

Mateo 6:13

i no laga nos kai den tentashon, ma libra nos di e malbado. [Pasobra di Bo e reino ta, tur poder i gloria, te den eternidat. Amèn.]

1 Huan 5:15

I si nos sa ku E ta skucha tur nos petishonnan, nos sa tambe ku nos ta haña loke nos a pidiÉ.

1 Huan 5:19

Nos sa ku nos ta pertenesé na Dios i ku tur otro hende na mundu ta den gara di e malbado.

1 Huan 5:20

Pero nos sa ku Yu di Dios a bini i ku El a duna nos komprondementu pa nos konosé Esun berdadero. Nos ta biba den komunion ku Esun berdadero, pasobra nos ta den komunion ku su Yu, Hesu-Kristu. E ta e Dios berdadero i E ta bida eterno.

Levítiko 11:37

Si un kadaver kai riba simia ku mester sembra ainda, e simia ta keda puru.